விஸ்வரூபம் படத்தின் இரண்டாவது பாகத்தை சத்தமில்லாமல் வெளிநாடுகளிலும், உள்நாட்டிலும் எடுத்து வருகிறார் கமல்ஹாசன். வெளிநாடுகளில் படப்பிடிப்பு முடிந்து தற்போது சென்னையில் படப்பிடிப்பு நடக்கிறது.
விஸ்வரூபத்தில் பிரதான வில்லன் கதாபாத்திரத்தில் நடித்த ராகுல் போஸ் தற்போது சென்னையில் நடந்து வரும் படப்பிடிப்பில் கலந்து கொண்டுள்ளார். கமல்ஹாசன், ராகுல் போஸ் சம்பந்தப்பட்ட காட்சிகள் படமாக்கப்படுகின்றன.
முதல் பாகத்தில் நடித்த கமல்ஹாசன், ராகுல் போஸ், பூஜா குமார், ஆண்ட்ரியா, சேகர் கபூர் ஆகியோர் இரண்டாவது பாகத்திலும் இருக்கிறார்கள். சங்கர் எசன் லாய்-க்குப் பதிலாக இரண்டாவது பாகத்தில் ஜிப்ரான் இசையமைக்கிறார். அதேபோல் ஒளிப்பதிவாளரையும் கமல் மாற்றியிருக்கிறார். தற்போது ஒளிப்பதிவு செய்கிறவர் ஷம்தத்.
ஆப்கானிஸ்தான் காட்சிகளை அதேபோன்ற அரங்கில் சென்னையில் படமாக்கியுள்ளனர். முக்கியமாக பதுங்குக்குழி காட்சிகள் படமாக்கப்பட்டிருப்பதாக நம்பத்தகுந்த வட்டாரங்கள் தெரிவிக்கின்றன.
இந்த வருட இறுதியில் விஸ்வரூபம் 2 திரைக்கு வருகிறது.
"இறுதி"யில் விறுவிறுப்பு தான்...!
ReplyDelete