Showing posts with label செய்திகள். Show all posts
Showing posts with label செய்திகள். Show all posts

Sunday, May 6, 2018

‘1100 ஜிபி இலவச டேட்டா’ - ஜியோ அடுத்த அதிரடி...



மொபைல் போன் சேவையில் பல்வேறு சலுகைகளை வழங்கி வாடிக்கையாளர்களை ‘கட்டிப்போட்ட’ ஜியோ நிறுவனம் தற்போது பிராட்பேண்ட் சேவையை விரிவுபடுத்துகிறது. மக்களை ஈர்க்கும் விதமாக 1100 ஜிபி இலவச டேட்டா வழங்கவும் அந்நிறுவனம் முடிவு செய்துள்ளது.

டெலிகாம் சந்தையில் முன்னணி நிறுவனமாக திகழும் ஜியோ நிறுவனம் இரண்டு வருடங்களுக்கு முன்பு சந்தையில் 4ஜி சேவையை அறிமுகம் செய்தது. வாடிக்கையாளர்களுக்கு ஜியோ நிறுவனம் அறிவித்த கேஷ்பேக் ஆஃபர் குறைந்த அளவில் அதிக டேட்டா கிஃப்ட் வவுச்சர் என அனைத்து சலுகைகளும் மக்களை வெகுவாகக் கவர்ந்தது.


2017 ஆம் ஆண்டு ஏப்ரல் மாதம் முதல் ஜியோவின் கட்டண சேவை ஆரம்பித்தது. அதில் ஜியோ வாடிக்கையாளர்கள் பிரைம் வாடிக்கையாளராக ரூ. 99 கட்டி இணைந்தனர். பிரைம் உறுப்பினர் என்ற திட்டத்தில் இணைந்த வாடிக்கையாளர்களுக்கு சம்மர் சர்ப்ரைஸ் என்ற பெயரில் மேலும் மூன்று மாதங்கள் இலவச சேவை வழங்கப்பட்டது.

இதன்படி பிரைம் வாடிக்கையாளர்களுக்கு இலவச வாய்ஸ் கால், எஸ்டிடி, எந்த தொலைத்தொடர்பு நிறுவனத்துடனும் ரோமிங் வசதி, நாடுமுழுவதும் இலவச ரோமிங், நாள்ஒன்றுக்கு 1ஜிபி 4ஜி டேட்டா, எஸ்எம்எஸ் ஆகியவை அளிக்கப்பட்டன.

பிரைம் உறுப்பினர் சேவை வரும் மார்ச் 31-ம் தேதியோடு முடிந்த நிலையில், 17 கோடி வாடிக்கையாளர்களுக்கு சலுகையை நீடித்தது.

இந்நிலையில் பிராட்பேண்ட் சேவையை விரிவு படுத்த ஜியோ நிறுவனம் நடவடிக்கை எடுத்து வருகிறது. கடந்த ஆண்டே சில குறிப்பட்ட நரங்களில் குறைந்தளவு வாடிக்கையாளர்களுடன் இந்த சேவை தொடங்கப்பட்டது.

ஜியோ பைபரில் இருந்து வீடுகளுக்கு இந்த சேவை இணைப்பு வழங்கப்படுகிறது. அகமதாபாத், ஜாம்நகர், மும்பை, டெல்லியில் உள்ள இந்த சேவை விரைவில் விரிவு படுத்தப்படுகிறது. சோதனையின் போது வாடிக்கையாளர்களுக்கு இலவச டேட்டா வழங்கப்படுகிறது. இந்த திட்டத்தை விரிவுபடுத்தவுள்ள ஜியோ நிறுவனம், வாடிக்கையாளர்களை கவர அதிகபட்சமாக 1100 ஜிபி டேட்டாவை வழங்கவுள்ளது. முதற்கட்டமாக 100Mbps வேகத்தில் 100 ஜிபி இலவச டேட்டா வழங்கப்படுகிறது.

இலவச டேட்டா நிறைவுற்றதும், வாடிக்கையாளர்கள் டாப்-அப் முறையில் ஒரே மாதத்தில் 25 முறை 40 ஜிபி டேட்டா பெற முடியும். அந்த வகையில் வாடிக்கையாளர்கள் 1100 ஜிபி (1.1TB) இலவச டேட்டா பெற முடியும். எனினும் இதுபற்றி அதிகாரபூர்வ அறிவிப்பு இன்னமும் வெளியிடப்படவில்லை. விரைவில் வணிக ரீதியிலான வெளியீடு வ நடைபெறும் என கூறப்படுகிறது.

Wednesday, October 16, 2013

ஆரம்பம் திரைப்படம்... அஜீத் போட்ட அதிரடி உத்தரவுகள்


எ
ன்னைப் புகழ்வது மாதிரி வசனங்களை யாரும் பேச வேண்டாம். பஞ்ச் வசனங்களோ காட்சிகளோ எனக்கும் வேண்டாம், என்று ஆரம்பம் படம் தொடங்கும் முன்பே கண்டிஷன் போட்டுவிட்டாராம் அஜீத். அஜீத், ஆர்யா, நயன்தாரா, டாப்சி நடிப்பில் உருவாகியுள்ள படம் ‘ஆரம்பம்'. இப் படத்தை விஷ்ணுவர்தன் இயக்கியுள்ளார். யுவன் சங்கர் ராஜா இசையமைத்துள்ளார். 

படம் விரைவில் வெளியாக உள்ளதால், ஆரம்பம் படத்தின் புரமோஷன் பணிகள் சூடுபிடித்துள்ளன. இப்படத்தின் கதாசிரியர்களான சுபா படத்தில் பணியாற்றிய தங்கள் அனுபவங்களைப் பகிர்ந்து கொண்டுள்ளனர். 

அவர்கள் கூறுகையில், "இயக்குனர் விஷ்ணுவர்தன் அஜீத்தை வைத்து ஒரு படத்தை எடுக்க போகிறோம் என கூறியபோது, அப்படம் அஜீத் ரசிகர்களின் எதிர்பார்ப்பைப் பூர்த்தி செய்ய வேண்டும் என்ற எண்ணமே கதையாக உருவெடுத்தது. மூன்று மாதங்களுக்கு பிறகு கதைக் கருவை அவரிடம் பகிர்ந்துகொள்ள முதன்முதலாக அஜீத்தை சந்தித்தோம்.


அவரது எளிமை எங்களைக் கவர்ந்தது. ஒரு நட்சத்திரத்துக்குரிய எந்த பந்தாவும் இல்லாமல் இருந்தது வியப்பூட்டியது. அந்த வியப்பு அடங்கும் முன்னரே அவர் விடுத்த வேண்டுகோள் எங்களை மேலும் வியப்பூட்டியது.


படத்தில் தன்னை புகழும் காட்சிகளோ, வசனங்களோ, பஞ்ச் வசனங்களோ இருக்கக்கூடாது என்பதுதான். கதைக்குதான் நாயகனே தவிர நாயகனுக்கு கதை இல்லை என்பதை தெளிவாக வலியுறுத்தினார்.


அவர் தன்னுடன் நடிக்கும் மற்ற நடிகர்களுக்கும் முக்கியத்துவம் இருக்கும் வகையில் காட்சி அமைப்பை அமைக்குமாறு இயக்குனரிடம் கூறியதை கேட்டபிறகுதான் அஜீத்துக்கு அவர் மீதுள்ள தன்னம்பிக்கையின் அர்த்தம் புரிந்தது. அந்த தன்னிம்பிக்கை அவருடன் பணியாற்றும் மற்றவர்களுக்கும் ஒட்டி கொண்டது என்றால் மிகை ஆகாது.



படத்துக்காக அவர் எடையை குறைத்தால் நன்றாக இருக்கும் என்ற உடனே பல ஆபரேஷன் செய்துள்ள அவரது உடல் நிலையையும் மீறி ஒரு தினத்துக்கு 5 முதல் 6 மணி நேரம் வரை அயராமல் உடற்பயிற்சி செய்தார். அவரது இந்த கடமை உணர்ச்சிதான் அவரை இந்த உயரத்துக்கு கூட்டி சென்று இருக்கும் என தெளிவாக புரிந்தது.



நாங்கள் பல நடிகர்களின் படங்களில் பணிபுரிந்து இருக்கிறோம், பணியாற்றிக் கொண்டு இருக்கிறோம். ஆனால் இதுவரை எந்த படத்துக்கும் ‘ஆரம்பம்' படத்தை பற்றிய ஆர்வம் போல் கண்டதில்லை. எல்லா தரப்பு ரசிகர்களும் இந்த படத்தை எதிர்பார்த்து கொண்டு இருப்பதை பார்க்கும்போதுதான் அவருடைய ரசிகர்கள் வட்டாரம் எந்த அளவுக்கு பரந்து உள்ளது என்பது புரிகிறது. 



ஏராளமான பொருட்செலவு, விஷ்ணுவின் ஸ்டைலிஷ் இயக்கம் , யுவன் ஷங்கர் ராஜாவின் மெய் மறக்கும் இசை ஆகியவை அந்த எதிர்பார்ப்பை சந்திக்கும் என நம்பிக்கை எங்களுக்கு நிச்சயம் உண்டு. ஆர்யாவும் அஜீத்துக்கும் உள்ள பரஸ்பர மரியாதை, சிநேகம் ஆகியவை தமிழில் இனிமேல் பல நட்சத்திரங்கள் இணைந்தது நடிக்கும் காலம் வரும் என நம்பிக்கை தருகிறது. அதற்கு இந்த படம் தான் ஆரம்பம்," என்றனர்

Monday, October 14, 2013

அஜித் -ன் ஆரம்பம்... ஆரம்பித்து விட்டது வழக்கு வில்லங்கம்...


தீபாவளிக்கு முன்கூட்டியே வெளியாகப் போவதாக அறிவிக்கப்பட்ட அஜீத்தின் ஆரம்பம் படத்துக்கு, எதிர்ப்பார்த்தபடியே வழக்குகளும் ஆரம்பமாகிவிட்டன. 

இந்தப் படத்தின் தயாரிப்பாளர் ஏ எம் ரத்னம் தனக்கு வட்டியுடன் சேர்த்து ரூ 4.6 கோடி தர வேண்டியிருப்பதாக சென்னை, ஷெனாய் நகரைச் சேர்ந்த பி.ராஜேஸ்வரி உயர்நீதிமன்றத்தில் தாக்கல் செய்துள்ளார். 

அந்த மனு விவரம்: 

எனது மகன் பி.ஆனந்தகிருஷ்ணன் சார்பில் இந்த மனுவை நான் தாக்கல் செய்துள்ளேன். சினிமா தயாரிப்பாளர் ஏ.எம்.ரத்னம் கடந்த 2005-ஆம் ஆண்டு மே மாதம் 11-ஆம் தேதி, 'கேடி' என்ற திரைப்படத்தைத் தயாரிப்பதற்காக எனது மகனிடமிருந்து ரூ. 1.50 கோடி கடன் வாங்கினார். 

இந்தப் பணத்தை 2006-ஆம் ஆண்டு ஜனவரி மாதம் திருப்பித் தருவதாக அவர் வாக்குறுதி அளித்தார். ஆனால், அவர் கூறியபடி பணத்தைத் திருப்பித் தரவில்லை. தற்போது நடிகர்கள் அஜித், நயன்தாரா, ஆர்யா உள்பட பலர் நடித்துள்ள 'ஆரம்பம்' திரைப்படத்தை ஏ.எம்.ரத்னம் தயாரித்துள்ளார். 

வரும் தீபாவளியன்று இந்தப் படத்தை வெளியிடப் போவதாகவும் அவர் அறிவித்துள்ளார். இந்த நிலையில், என் மகனிடம் இருந்து வாங்கிய கடன் ரூ. 1.50 கோடி மற்றும் அதற்குரிய வட்டித் தொகையுடன் சேர்த்து ரூ. 4.60 கோடி தரவேண்டும் என அக்டோபர் 5-ஆம் தேதி அவருக்கு நோட்டீஸ் அனுப்பினோம். 

அந்த நோட்டீஸூக்கு இதுவரை பதில் அளிக்கவில்லை. அதனால், என் மகனிடம் வாங்கிய கடனை திருப்பித் தராமல் 'ஆரம்பம்' படத்தை வெளியிடத் தடை விதிக்க வேண்டும் என மனுவில் கோரியிருந்தார். 

மனுதாரர் சார்பில் வழக்குரைஞர்கள் நித்தேஷ் நட்ராஜ், வைபவ் ஆர்.வெங்கடேஷ் ஆகியோர் ஆஜராகினர். இந்த மனு நீதிபதி வி.ராமசுப்பிரமணியன் முன்பு விசாரணைக்கு வந்தது. இந்த மனுவுக்கு இரண்டு வாரத்துக்குள் பதில் அளிக்க ஏ.எம்.ரத்னத்துக்கு நோட்டீஸ் அனுப்ப உத்தரவிட்ட நீதிபதி, வழக்கை அக்டோபர் 25-ஆம் தேதிக்கு ஒத்தி வைத்தார். 

அக்டோபர் 31-ம் தேதி ஆரம்பம் படம் வெளியாகும் என அறிவிக்கப்பட்டு, தியேட்டர்களும் ஒப்பந்தம் செய்யப்பட்டுவிட்ட நிலையில் இந்த புதிய நெருக்கடி எழுந்துள்ளது

Saturday, September 28, 2013

முதுகெலும்பு இல்லாத தமிழ் சினிமா..! பாரதிராஜாவின் அடுத்த அதிரடி


தமிழ் சினிமாவுக்கு முதுகெலும்பு கிடையாது... இனி தமிழ் சினிமாவுக்கென தனி சங்கங்கள் வேண்டும் என்று இயக்குநர் பாரதிராஜா குரல் கொடுத்துள்ளார்.  
ஞானக்கிறுக்கன் படத்தின் இசையை வெளியிட்ட பாரதிராஜா, பின்னர் பேசியதாவது: 

சினிமா நூற்றாண்டு விழாவுக்கு அழைப்பிதல் வரவில்லை என ஆர்.கே. செல்வமணி வருத்தப்பட்டார். பார்த்திபன் என்னை கவுரவித்தார். 

முதுகெலும்பு கிடையாது 

தமிழ் திரையுலகுக்கு முதுகெலும்பு கிடையாது. தென்னிந்திய வர்த்தக சபை என்று இருப்பதில் எனக்கு உடன்பாடு கிடையாது. பல வருடங்களாக இதை எதிர்த்து வருகிறோம். சினிமா இங்கு உருவாகியபோது தென்னிந்திய நடிகர் சங்கம், தென்னிந்திய திரைப்பட வர்த்தக சபை, தென்னிந்திய திரைப்பட தொழிலாளர் சங்கம் என ஆரம்பிக்கப்பட்டன. 

எல்லா மொழி கலைஞர்களும் அப்போது சென்னையில்தான் இருந்தார்கள். மொழி வாரியாக மாநிலங்கள் பிரிக்கப்பட்டதும் கர்நாடகத்தில் இருக்கும் நடிகர்கள் கன்னட நடிகர் சங்கம் என உருவாக்கினார்கள்.ஆந்திராவில் தெலுங்கு நடிகர் சங்கமும், கேரளாவில் மலையாள நடிகர்கள் சங்கமும் தோன்றின. 



அநாதைகளாக.. 

கன்னட- தெலுங்கு திரைப்பட வர்த்தக சபைகளும் உருவாயின. ஆனால் தமிழகத்தில் மட்டும் தென்னிந்திய நடிகர் சங்கம், தென் இந்திய வர்த்தக சபை என்றே நீடிக்கிறது. அதனால்தான் சினிமா நூற்றாண்டு விழாவுக்கு அழைப்பிதழை எதிர்பார்த்து அனாதையாக நிற்க வேண்டிய சூழல் ஏற்பட்டு உள்ளது. 

தமிழ் கலைஞர்களுக்கு தனி சங்கங்கள் இருந்திருந்தால் அழைப்பிதழ்கள் வீடு தேடி வந்து இருக்கும். நமக்கு சுய இடம், சுய அதிகாரம் வேண்டும். அப்போதுதான் உருப்படுவோம். அதற்கு தமிழ் நடிகர் சங்கம், தமிழ் திரைப்பட வர்த்தக சபை உருவாக வேண்டும். 

'ஞான கிறுக்கன்' படத்தின் இயக்குனர் இளைய தேவன் என் மண்ணின் மைந்தன். என்னைப்போல் ஒப்பனை, பூச்சு எதுவும் இன்றி யதார்த்தமான கிராமத்து கதையை படமாக எடுத்துள்ளார். என் பாதையில் அவர் வருகிறார்," என்றார்.

Tuesday, July 23, 2013

’சொன்னா புரியாது’ படத்தின் கதை

 
 ‘மிர்ச்சி’ சிவா நடித்த தில்லுமுல்லு ரசிகர்களிடையே நல்ல வரவேற்பைப் பெற்று, தனது வெற்றியையும் உறுதியாக்கிவிட்டது. இந்நிலையில் சிவா, வசுந்தரா கஸ்யப் ஜோடியாக நடிக்கும் சொன்னா புரியாது திரைப்படம் ஜூலை 26-ஆம் தேதி ரிலீஸாகிறது.





சொன்னா புரியாது திரைப்படத்தில் டப்பிங் ஆர்டிஸ்டாக நடிக்கிறாராம் சிவா. சொன்னாபுரியாது திரைப்படத்தில் நடித்தது(!) குறித்து பிரபல ஆங்கில பத்திரிக்கை ஒன்றிற்கு சிவா பேட்டியளித்துள்ளார்.


பேட்டியில் பேசிய போது ” டைட்டிலே இல்லாம தான் ஷூட்டிங் ஸ்டார்ட் பண்ணோம். ஆனா ஷூட்டிங் முடிஞ்சதும் டைட்டிலுக்காக ரொம்ப யோசிச்சோம். அப்ப பல டைட்டில் யோசிச்சாலும் அது புரியாது, இது புரியாதுனு சொன்னாங்க. அதனால ’சொன்னா புரியாது’-னு டைட்டில் வெச்சிட்டோம். டைரக்டர் கதை சொல்லி முடிச்சதும் எனக்கு அவர் சொன்னது எதுவுமே புரியல. உண்மைய சொல்லனும்னா கதைக்கேத்த டைட்டில் தான் இது.





நான் ஸ்பாட்ல பீடா சாப்பிடும்போது டைரக்டர் பாத்துட்டு, எனக்கு இந்தி தெரியும்னு நினைச்சிகிட்டு ’இந்த படத்துல நீ தான் ஒரு இந்தி பாட்டு எழுதி பாடனும்’னு சொல்லிட்டாரு. நானும் பீடா போட்டுகிட்டு 20 நிமிஷத்துல பாட்டு எழுதி 10 நிமிஷத்துல பாடிட்டேன். இந்திலயும் கால் வெச்சிட்டதால இனி என்னோட ஒரே போட்டி ஷாருக் கான் தான்(இத சொன்னதும் அவரே சிரிச்சிட்டாராம்).


தாய்லாந்துல இருக்க 'No Man's Land'(மனிதன் இல்லாத பூமி) தீவுல ஷூட்டிங் எடுக்க போனோம். ஆனா அங்க 30,000 மனுஷங்க இருந்தாங்க. இந்த படத்துல இயக்குனர், ஒளிப்பதிவாளர் இசையமைப்பாளர் என எல்லாரும் புதுமுகம். மக்கள் இந்த மாதிரியான படங்களையும் ஆதரிக்கனும்” எனக் கூறியுள்ளார்.

Friday, June 21, 2013

வடிவேலு மறுத்த கதையில் நடிதது ஹிட் அடித்த விஜய்...! வெளிபடுத்திய பிரபல இயக்குனர்


இயக்குனர் எழில், துள்ளாத மனமும் துள்ளும், பெண்ணின் மனதை தொட்டு, பூவெல்லாம் உன் வாசம், மனம் கொத்திப் பறவை உள்ளிட்ட பல வெற்றிப்படங்கள் எடுத்தவர். தற்போது எழில் இயக்கத்தில் தேசிங்கு ராஜா திரைப்படம் வெளியாகவிருக்கிறது. 





நேற்று(20.06.13) நடந்த தேசிங்கு ராஜா திரைப்படத்தின் பத்திரிக்கையாளர் சந்திப்பில் எழில் பற்றி இயக்குனர் கரு.பழனியப்பன் பேசியபோது “ துள்ளாத மனமும் துள்ளும் கதையை பல ஹீரோக்களிடம் சொல்லி கால்ஷீட் கேட்டுக்கொண்டிருந்தோம். ஒரு கட்டத்தில் அப்போதைய வடிவேலு(ஹீரோ இமேஜ் இல்லாத சாதாரண காமெடியன்) வரை துள்ளாத மனமும் துள்ளும் கதையுடன் சென்றோம்.


கதையை கேட்ட வடிவேலு ’இந்த நல்ல கதையில் நான் நடிக்கணுமா. நல்லா யோசிச்சு பாருங்க. ஒரு நல்ல கதைல நான் நடிச்சு வீணடிக்க விரும்பல. 6 மாசம் காத்திருந்து அப்பறம் வாங்க, அப்பவும் உஙளுக்கு இதேமனநிலை இருந்தா நான் நடிச்சு குடுக்குறேன்’ என்று கூறினார். 


அதன்பிறகு சூப்பர்குட் ஃபிலிம்ஸ் சார்பில் விஜய் நடிப்பில் துள்ளாத மனமும் துள்ளும் திரைப்படத்தை எழில் இயக்கி மாபெரும் வெற்றிகண்டார். வடிவேலு நடித்திருந்தால் இந்த திரைப்படத்தில் விஜய் நடித்திருக்க முடியாது. திரைப்படத்தின் ரிசல்ட் எப்படி இருந்திருக்கும் என்றும் சொல்ல முடியாது” என்று கூறினார்.

Thursday, June 6, 2013

அசினுக்கு அடித்த ஜாக்பாட்.... இளையராஜா இறங்கி வந்தாரா...?



நாலு நூறு கோடி பட்ஜெட் படங்களில் நடித்தவள் என்று பெருமை பேசி திரியும் அசினின் நிலைமை தற்போது சீரியஸாகவே இருக்கிறது. கஜினி, லண்டன் ட்ரீம்ஸ், ஹவுஸ்ஃபுல் 2, போல் பச்சான், கிலாடி 786... அத்தோடு அசினின் கரியர் நிற்கிறது.

இதில் கடைசிப் படம் கிலாடி 786 வந்தது சென்ற வருடம் டிசம்பரில். அதன் பிறகு ஒரு படம்கூட கமிட்டாகவில்லை.

இந்நிலையில் புதிய படம் ஒன்றில் அபிஷேக்பச்சனுடன் நடிக்க ஒப்பந்தம் செய்யப்பட்டிருக்கிறார்.

அக்ஷய்குமார் தயாரிப்பில் ஓ மை காட் படத்தை இயக்கிய உமேஷ் சுக்லா விரைவில் அடுத்தப் படத்தை தொடங்குகிறார். அபிஷேக் ஹீரோவாக நடிக்கும் இந்தப் படத்தில் அசின் ஹீரோயின். பல மாதங்களாக ஒரு வாய்ப்புக்கு காத்திருந்தவருக்கு இந்த படம் ஜாக்பாட் என்பதில் சந்தேகமில்லை.

************************************


யுவன் ஷங்கர் ராஜாவின் இசையில் மதன் கார்க்கி பாடல் எழுதுகிறார் ஓகே. இளையராஜாவின் இசையில்...?

யுவன் இசையில் மதன் கார்க்கி எழுதும் போது இளையராஜா இசையில் எழுதக் கூடாதா என்று சில பேர் கற்பனையாக இப்படியொரு கதையை கட்டிவிட்டனர். இளையராஜா இசையில் மதன் கார்க்கி பாட்டு எழுதுகிறார் என்று. இந்த விஷயம் மதன் கார்க்கிக்கே தெரியாது என்றால் பார்த்துக் கொள்ளுங்கள்.

மிஷ்கினின் ஓநாயும் ஆட்டுக்குட்டியும் படத்துக்கு இளையராஜா இசையமைக்கிறார். இந்தப் படத்தில் மதன் கார்க்கி பாடல் எழுதுகிறார் என்பதுதான் செய்தி. ஆனால் அது உண்மையில்லை. இந்த பொய் செய்தியை படித்த ராஜாவின் பக்தர்களுக்கே பயங்கர ஆச்சரியம். இளையராஜாவை பற்றி நன்கு தெரிந்தவர்களாயிற்றே.

ராஜாவாவது இறங்கி வர்றதாவது.

Monday, May 20, 2013

அஜித் கொடுத்த அதிர்ச்சி! உறைந்து போன நடிகைகள்!


அஜித் -விஷ்ணுவர்தன் கூட்டணியில் உருவாகிக்கொண்டிருக்கும் அஜித்தின் 53-வது திரைப்படத்தின் கடைசிகட்ட படப்பிடிப்பு(ஒவ்வொரு முறையும் இப்படித்தான் சொல்றாங்க) ’குலுமனாலி’ குளிரில் படு தீவிரமாக நடந்துவருகிறது. 





திரைப்படத்தின் முக்கியமான கிளைமாக்ஸ் ஆக்‌ஷன் காட்சிகளை படமாக்க விஷ்ணுவர்தன் படக்குழு சில நாட்களுக்கு முன்பே குலுமனாலி சென்று படப்பிடிப்பிறகான ஆயத்தங்களை செய்துகொண்டிருந்தது. படப்பிடிப்பிற்காக வீட்டிலிருந்து கிளம்பிய அஜித் வழக்கம்போல் ஃபிளைட்டில் செல்லாமல் தனது காரிலேயே குலுமனாலி பயணமாகியிருக்கிறார்.





செல்லும் வழியில் இருக்கும் இயற்கையை ரசித்தபடியே குலுமனாலி சென்ற அஜித் ஓய்வெடுத்த பிறகு தான் வருவார் என்று மற்ற பணிகளில் ஈடுபட்டிருந்த படக்குழு பயணக்களைப்பை போக்காமலேயே படப்பிடிப்பிற்கு சரியான நேரத்திற்கு வந்து சேர்ந்த அஜித்தைப்பார்த்து அதிர்ச்சி அடைந்தார்களாம். 





அஜித் வந்து சேர்ந்ததும் பரபரப்பாக படப்பிடிப்பு துவங்க குளிரின் காரணமாக அவ்வப்போது கொடுக்கப்பட்ட ஓய்வு நேரத்தில் குளிரைப் போக்க இத்திரைப்படத்தின் இரண்டு ஹாட் ஹீரோயின்களான நயன்தாராவும், டாப்ஸியும் குலுமனாலியிலுள்ள பைக் ரைடிங்கில் சவாரி செய்து குளிரால் உறைந்துபோன தங்களை ஆசுவாசப்படுத்திக்கொள்கிறார்கள்.

Wednesday, May 8, 2013

விஜய்யின் ‘தலைவா’… ரசிகர்களுக்கு டபுள் ட்ரீட்! / இதுவும் அப்படியா குமாரு?



இயக்குநர் விஜய்யின் உருவாக்கத்தில் விஜய் நடித்துவரும் தலைவா படத்தை படு வேகமாக முடித்து வருகிறார்கள். 

காரணம்… இந்தப் படத்தை விஜய் பிறந்த நாளில் வெளியிடும் திட்டம்தானாம். 

பொதுவாக விஜய் படங்களுக்கு நல்ல ஓபனிங் இருக்கும் என்றாலும், அது பிரமாண்டமாக இருக்காது. படம் நன்றாக இருந்தால் மட்டுமே பிக்கப் ஆகும். அவரது சமீபத்திய படங்களே இதற்கு சாட்சி. 

நண்பன், துப்பாக்கி என அடுத்தடுத்த ஹிட் கொடுத்திருக்கும் நிலையில், விஜய் பிறந்த நாளில் படத்தை வெளியிட்டால் பெரிய வரவேற்பும், பிரமாண்ட ஓபனிங்கும் கிடைக்கும் என்பதால் அதற்கேற்ற மாதிரி படப்பிடிப்பை வேகப்படுத்தி முடித்துள்ளார்களாம். 

மும்பை, ஸ்பெயின் மற்றும் ஆஸ்திரேலியாவில் இதன் முழுப் படப்பிடிப்பும் நடத்தப்பட்டுள்ளது. 

தற்போது ‘டப்பிங்’ மற்றும் ரி-ரீக்கார்டிங் பணிகளும் முக்கால்வாசி முடிந்துள்ளதால், ஆடியோ வெளியீட்டுக்கு தயாராகி வருகின்றனர். 

வரும் ஜூன் 22-ம் தேதி விஜய்யின் பிறந்த நாள். அதற்கு ஒரு நாள் முன்பு வெள்ளிக்கிழமை இந்தப் படத்தை வெளியிடும் திட்டம் உள்ளதாம். 

முதல் நாள் விஜய் பட ரிலீஸ், அடுத்த நாள் பிறந்த நாள் கொண்டாட்டம் என டபுள் ட்ரீட் ரசிகர்களுக்கு!


************************************************

சுந்தரமான இயக்குன‌ரின் கலகலப்பான கஃபே படம் ஃபிரெஞ்ச் படத்தின் அப்பட்ட தழுவல். சான்டல் காமெடியா‌ரின் போர்ஷன் மட்டும் இயக்குனராக சேர்த்து கொண்டது. வெளிநாட்டுப் படங்களிலிருந்து மெயின் மேட்டரை தழுவி தமிழுக்கு ஏற்ப மசாலா தடவுவதுதான் இயக்குன‌ரின் பாணி. 

விரைவில் வெளியாகவிருக்கும் தீ குமாரும் அப்படி அந்நிய நாட்டிலிருந்து பிடித்து உள்ளூ‌ரில் உருவாக்கப்பட்டவர்தானாம். எந்தப் படம் என்பது படம் வெளியான அடுத்த நிமிடம் ரசிகர்கள் கண்டு பிடித்துவிட மாட்டார்களா என்ன. 

Thursday, May 2, 2013

பவர் ஸ்டார் வீட்டில் போலீசார் சோதனை: முக்கிய ஆவணங்கள் பறிமுதல்


மோசடி வழக்கில் கைது செய்யப்பட்டு வேலூர் மத்திய சிறையில் அடைக்கப்பட்டிருக்கும் நடிகர் பவர் ஸ்டார் சீனிவாசனின் வீட்டில் போலீசார் சோதனை நடத்தினர். இதில் சில முக்கிய ஆவணங்கள் சிக்கியதாக கூறப்படுகிறது. 

ஆந்திர மாநில தொழில் அதிபர் ரங்கநாதனுக்கு ரூ.20 கோடி கடன் வாங்கித் தர அவரிடம் நடிகர் பவர் ஸ்டார் சீனிவாசன் ரூ.50 லட்சம் கமிஷனாகப் பெற்றார். ஆனால் பவர் கடனையும் வாங்கிக் கொடுக்கவில்லை, கமிஷனையும் திருப்பிக் கொடுக்கவில்லை. 

இதையடுத்து ரங்கநாதன் சென்னை போலீஸ் கமிஷனர் அலுவலகத்தில் புகார் கொடுத்தார். அவரது புகாரின்பேரில் வழக்குப் பதிவு செய்த போலீசார் கடந்த 26ம் தேதி பவரை கைது செய்து முதலில் புழல் சிறையில் அடைத்தனர். அதன் பிறகு அவரை வேலூர் மத்திய சிறைக்கு மாற்றினர். 

பவரை 3 நாட்கள் தங்கள் காவலில் எடுத்து விசாரிக்க மத்திய குற்றப்பிரிவு போலீசார் நீதிமன்றத்தில் அனுமதி பெற்றனர். இதையடுத்து நேற்று முன்தினம் பவரிடம் மத்திய குற்றப்பிரிவு போலீசார் விசாரணை நடத்தினர். இதையடுத்து நேற்று காலை அண்ணா நகரில் உள்ள அவரது வீட்டில் மத்திய குற்றப்பிரிவு போலீசார் சோதனை நடத்தினர். இதில் சில முக்கிய ஆவணங்கள் கைப்பற்றப்பட்டதாகக் கூறப்படுகிறது. 

இது குறித்து போலீஸ் உயர் அதிகாரி ஒருவர் கூறுகையில், 

பவர் ஸ்டார் சீனிவாசன் மீது தொடர்ந்து மோசடி புகார்கள் வந்த வண்ணம் இருக்கிறது. இந்நிலையில் அவரது வீட்டில் சோதனை நடத்தினோம். இதில் கடன் வாங்கித் தருவதாகக் கூறி மோசடி செய்தது தொடர்பான ஆவணங்கள் சிக்கின. அந்த ஆவணங்களை வைத்துக் கொண்டு விசாரணை நடந்து வருகிறது. 

விசாரணையின் முடிவில் உண்மை நிலவரம் தெரியும் என்றார். சென்னை போலீஸ் கமிஷனர் அலுவலகத்தில் பவர் ஸ்டார் மீது மேலும் 3 பேர் மோசடி புகார்கள் அளித்துள்ளனர் என்பது குறிப்பிடத்தக்கது.

Friday, April 5, 2013

கதாநாயகர்கள் தலையில் கை வைக்கும் பாலா.. ஏன் இவர் மட்டும் இப்படி?




ஓரளவு சுமாரான கதாநாயகர்களையும், கதாநாயகிகளையும் அழகாக காட்டுவது இயக்குநர்கள், கேமராமேன்களின் வேலை. ஆனால் அழகானவர்களைக்கூட எவ்வளவு அசிங்கப்படுத்த முடியுமோ அந்த அளவிற்கு தலை முடியை குதறி, கறுப்பு பெயிண்ட் அடித்து திரையில் காட்டுவது பாலா ஸ்டைல். இவரின் கைவண்ணத்தில் சிக்கியவர்கள் விக்ரம், சூர்யா, ஆர்யா, விஷால் சமீபத்திய அதர்வா.

இதில் எல்லோருமே தலை முடியை ஒரு ரேஞ்சுக்கு மேல் இழந்தவர்கள்தான். ஆனாலும் அதையும் ரசித்து படத்தை வெற்றி பெற வைத்துவிட்டனர் நம் ரசிக மகாஜனங்கள். எப்படி இப்படி எல்லாம் யோசிக்கிறீங்க பாலா? என்று கேட்பவர்களுக்காகவே இந்த கட்டுரை. 



சேதுவில் தொடங்கிய பயணம் 


பாலாவின் முதல் படமான ‘சேது'வில் அழகான விக்ரம் பாதி படம் வரை துறு துறு விக்ரமாக வருவார். இடைவேளைக்குப் பிறகு பாவம் மனநலம் பாதித்து மொட்டை அடித்து உடலை இளைக்க வைத்து ஒரு அழுக்குத் துணியை கொடுத்து கடைசியில் முடித்திருப்பார்.


நந்தாவில் சூர்யா 


அடுத்த படமான ‘நந்தா'வில் சூர்யாவின் கெட் அப் மாறியிருக்கும். அதுவரை சாக்லேட் பாய் கதாபாத்திரத்தில் நடித்திருந்த சூர்யாவின் கண்களில் ஒரு கோபம் இருக்கும். முடியை ஒட்ட வெட்டி காதலை கண்களில் காட்டத் தெரியாத சூர்யாவை திரையில் காட்டியிருப்பார்.



பிதாமகனில் கலர் முடி 

‘பிதாமகன்' படத்தில் வெட்டியானாக நடித்த விக்ரமின் ஹேர்ஸ்டைல் இதுவரை தமிழ் சினிமா வரலாற்றில் யாரும் யோசித்து கூட பார்த்திருக்க மாட்டார்கள். மற்றொரு ஹீரோ சூர்யா எப்படியோ தப்பிவிட்டார்.



சடை முடி வளர்த்த ஆர்யா

‘நான் கடவுள்' படத்திற்காக கஞ்சா சாமியாக காட்டிய ஆர்யாவிற்கு கழுத்து வரை நீண்ட முடி வளர்த்துவிட்டிருப்பார். இந்த படத்தில் முதலில் நடிக்க ஒப்பந்தமான அஜீத் உடல் இளைத்து முடி வளர்த்தது தனி கதை.

அவனும் இவனும் 


பாலாவினால் காமெடி படம் என்று கூறப்பட்ட ‘அவன் இவன்' படத்தில் விஷால் மாறுகண் கொண்ட அரவாணியாக நடித்திருப்பார். ஆனால் ஆர்யாவின் தலையில் கைவைத்த பாலா சதுரவைட்டை ரேஞ்சுக்கு குதறியிருப்பார். இதுபோன்ற ஹீரோக்களையும் கதாநாயகிகள் உருகி உருகி காதலிப்பார்கள் என்பது பாலா படத்தில் மட்டுமே சாத்தியம்.

பரதேசியில் தப்பாத அதர்வா 


பாலாவின் சமீபத்திய படமான பரதேசியில் ஹீரோ அதர்வாவின் ஹேர் ஸ்டைல், உடை என எல்லாமே தனித்துவமாக இருக்கும். இதில் சாக்குத் துணியில் தைத்த உடைக்கு தேசிய விருது கிடைத்து ஆச்சரியப்பட வைத்துள்ளது.

சசிகுமாரின் கோரிக்கை 

பாலாவின் அடுத்த பட ஹீரோக்கள் சசிகுமார், விக்ரம் பிரபு என்று தகவல் அடிபடுகிறது. இதில் ஒப்பந்தம் செய்யும் போதே தலையில் கை வைத்து விடாதீர்கள் என்று பாலாவிடம் சசிகுமார் சொல்லி விட்டாராம். அதற்கு ஓகே சொன்ன பாலா விக்ரம் பிரபு தலையில் எப்படி கோலம் போடுவது என்று யோசிக்கிறாராம்.

Thursday, March 28, 2013

விஜய்-யின் தலைவா படத்தின் கதை..!


விஜய்-விஜய் கூட்டணியில் படுவேகமாக உருவாகிக்கொண்டிருக்கும் படம் ‘தலைவா’. விஜய் நடிப்பில் வெளிவந்த துப்பாக்கி படத்தின் மிகப்பெரிய வெற்றியைத்தொடர்ந்து, தலைவா படத்தின் மீதான எதிர்பார்ப்பு ஏகத்துக்கும் அதிகரித்துள்ளது. 


சமீபத்தில் ஒரு வாரப்பத்திரைக்கு அளித்த பேட்டியில் இயக்குனர் விஜய் “ மதராசபட்டினம் படத்தைப்பார்த்த விஜய், ‘நாம சேர்ந்து ஒரு படம் பண்ணலாமே’ எனக்கூறியிருந்தார். தயாரிப்பாளர் சந்திரபிரகாஷ் விஜய்யின் கால்ஷீட்டுடன் வர விஜய்யிடம் தலைவா படத்தின் கதையைக் கூறினேன்.





‘தலைவன்கிற பட்டத்த நாம தேடிப்போகக் கூடாது. அது நம்மள தேடி வரணும்’ என்கிற ஒன் லைன் ஸ்டோரியுடன் துவங்கி முழுக்கதையையும் கூறினேன். கதையை கேட்டதும் ஒக்கே சொன்னார் விஜய். ஆனாலும் துப்பாக்கி படத்தின் வெற்றியால் இந்த படத்தின் மீதான எதிர்பார்ப்பு அதிகரித்திருப்பதை உணர்ந்து நல்ல ஸ்ட்ராங்கான திரைக்கதையை பிடிச்சிருக்கோம்.


’தலைவா’ படத்தில் சீனுக்கு சீன் ஆர்.டி.எக்ஸ் தான். ஒவ்வொரு தலைவனுக்கும் ஒவ்வொரு ஃபிளாஷ்பேக் இருக்கும். அப்படி தலைவனான ஒருத்தனோட ஃபிளாஷ்பேக் கதை தான் தலைவா படத்தின் கதை” என்று கூறியுள்ளார். 

Tuesday, March 26, 2013

பாராளுமன்ற தேர்தலில் திமுக - தேமுதிக கூட்டணி



பாராளுமன்ற தேர்தலையொட்டி, அரசியல் கட்சிகள் கூட்டணி அமைக்கும் வேலைகளில் பிஸியாகியுள்ளன. அதிமுக, திமுக ஆகிய இரண்டு முக்கிய கட்சிகளும் தங்களது கூட்டணியை பிரிந்து தனித்து நிற்கின்றன.

எந்த எந்த கட்சிகள் கூட்டணி அமைக்கும் என்று உறுதியாகவில்லை என்றாலும், சில கட்சிகளில் நடவடிக்கைகளைப் பார்த்தால் திமுக, தேமுதிக-வுடன் கூட்டணி அமைப்பதற்காக வாய்ப்புகள் அதிகமாகவே உள்ளது.

காங்கிரஸ் கூட்டணியில் இருந்து பிரிந்த திமுக, இனி காங்கிரசுடன் கூட்டணி இல்லை என்று அறிவித்துவிட்டது. அதேபோல தேமுதிக-அதிமுக கூட்டணி பிரிந்து விட்டதாலும், இவர்களும் இனி கூட்டண் அமைக்க வாய்ப்பில்லை. இந்த நிலையில் தேமுதிக-வுடன் கூட்டணி அமைத்தால் பாராளுமன்ற தேர்தலில் வெற்றி பெறலாம் என்று கருதும் திமுக, தேமுதிகாவை இழுக்க முயற்சித்து வருகிறது.

அதேபோல தேமுதிக-வை தங்கள் பக்கம் இழுக்க காங்கிரசும் முயற்சிக்கிறது. ஆனால், தமிழகத்தில் தற்போதுள்ள நிலையில் காங்கிரசுடன் இணைந்தால் நன்மை ஏதும் நடக்காது என்று கருதும் தேமுதிக மேலிடத்திற்கும் தற்போதுள்ள ஒரு வாய்ப்பு திமுக தான்.

அதற்கு ஏற்றாற் போல் சட்டசபையிலும் தே.மு .தி.க.வுக்கு ஆதரவாளரின் நிலைப்பாட்டையே தி.மு.க. கடை பிடிக்கிறது. நேற்று 6 எம்.எல்.ஏக்கள் ஓராண்டுக்கு நீக்கப்பட்டதும், தி.மு.க. உறுப்பினர்கள் வெளிநடப்பு செய்தனர். அதே போல் இரு கட்சிகளும் ஒன்றை ஒன்று விமர்சிப்பதை நிறுத்தி விட்டன. விஜயகாந்தும் தி.மு.க.வை அவ்வளவாக விமர்சிப்பதில்லை.

இந்த சூழ்நிலைகளை பார்க்கும் போது தி.மு.க.-தே.மு.தி.க. இடையே நெருக்கம் அதிகரிப்பதையே காட்டுகிறது. எனவே தி.மு.க.-தே.மு.தி.க. கூட்டணி அமைவதற்கான வாய்ப்புகள் அதிகம் இருப்பதாக இரு கட்சி வட்டாரத்திலும் பலமான பேச்சு அடிபடுகிறது. 

Saturday, March 23, 2013

யாருக்கு வரும் இந்த மனசு! அஜீத்தின் தியாகம்!


சமீபகாலமாக நடிகர் அஜீத்தை குறித்தும் அவரது எதிர்கால படங்களை குறித்தும் பல்வேறு யூகங்கள் பரபரப்பாக ஊடங்கங்களில் விவாதிக்கப்படுகிறது. ஏ.எம்.ரத்னம் தயாரிப்பில் விஷ்ணுவர்தன் இயக்கத்தில் தயாராகும் பெயரிடப்படாத படத்தின் படபிடிப்பில் கார் சேசிங் காட்சியில் ஏற்பட்ட விபத்தின் விளைவாக அஜீத்துக்கு காலில் பலத்த காயம் ஏற்பட்டது. 




அதற்கான மருத்துவ ஆலோசனைக்கு சென்ற போது அறுவை சிகிச்சை தான் நிரந்தர தீர்வு என்று கூறப்பட்டதால் வருகிற அக்டோபர் மாதம் 21 ஆம் தேதி அஜீத்துக்கு அறுவை சிகிச்சைக்கு நடக்க இருக்கிறது. அது வரையில் புதிய படத்துக்கான எந்த ஒரு முடிவையும் எடுக்கப்போவதிலை என தீர்மானித்து இருக்கிறார்.


அறுவை சிகிச்சைக்கான கால தாமதம் ஏன் என்று விசாரித்தபோது நம்மை வியக்க வைத்தார் அஜீத். தயாரிப்பாளர் ஏ.எம்.ரத்னம் நீண்ட இடைவேளைக்கு பிறகு தயாரிக்கும் இப்படத்தில் அஜீத்துடன் ஆர்யா , ராணா , நயன்தாரா, டாப்சீ, கிஷோர், அத்துல் குல்கர்னி, மகேஷ் மஞ்ச்ரேகர், சுமா ரங்கநாத் என்ற பல்வேறு நட்சத்திர கூட்டம் நடித்து வருகின்றனர். 


தன்னுடைய சிகிச்சையினால் இவர்களின் தேதியும் வீணாகும் என கருதிய அஜீத் தன சிகிச்சை காலத்தை ஒத்தி வைத்துள்ளார் அஜீத். 


இதை தொடர்ந்து தான் முன்னரே செய்து கொண்ட ஒப்பந்தத்தின்படி விஜயா புரோடக்‌ஷன்ஸ் நிறுவனத்தினரின் தயாரிப்பில் சிவா இயக்கத்தில் படத்தில் நடிக்க உள்ளார். தான் பெரிதாக மதிக்கும் மறைந்த திரு நாகி ரெட்டியாரின் நூற்றாண்டை ஒட்டி ஒப்பந்தமான படம் என்பதாலும் இப்படத்திலும் வளர்ந்து வரும் இளம் நடிகர்கள் சிலர் இருப்பதால் அவர்களின் கால்ஷீட் வீணாக கூடாது என்று கருதி இந்த படத்தின் படப்பிடிப்பு முடிந்த பின்னர் தான் அறுவை சிகிச்சை என்று முடிவு செய்திருக்கிறார் அஜீத். வருகின்ற ஏப்ரல் மாதம் முதல் வாரத்தில் இப்படத்தின் படப்பிடிப்பு ஹைதராபாத்தில் துவங்க உள்ளது. 


சக நடிகர்களின் வளர்ச்சிக்காக தன் உடல்வலியையும் பொறுத்துக்கொண்டு நடிக்கும் அஜீத்தின் தியாக உணர்வு திரையுலகில் சக நடிகர்களை பிரமிக்க வைத்துள்ளது.

Friday, March 22, 2013

ராஜபக்சே தூக்கிலிட உத்தரவு வாத விவரம் மற்றும் தீர்ப்பு... படங்களுடன்...




மதுரை நீதிமன்ற வழக்கறிஞர்கள் இன்று (22.03.2013) சர்வதேச நீதிமன்றம் போல் மேடை ஒன்றை வடிவமைத்தனர். சர்வதேச மாதிரி நீதிமன்றம்போல் அமைக்கப்பட்ட அந்த மேடையில், ராஜபக்சே உருவபொம்மை வைக்கப்பட்டிருந்தது. நீதிபதி கேள்வி கேட்கும்போது, ராஜபக்சேவுக்கு ஆஜரான வழக்கறிஞர், அந்த உருவபொம்மையின் காதில் பேசிவிட்டு, நீதிபதிக்கு பதில் சொன்னார்.


சர்வதேச நீதிமன்றம் மதுரை. வழக்கு எண் 1/2003. குற்றவாளி: ராஜபக்சே என்ற சர்வதேச மாமா. தந்தை பெயர் ரத்தவெறி காளியப்பன். இலங்கை.


மனுதாரர்: ஈழத்தமிழகம். இலங்கை. 


நீதிபதி நக்கீரன் கருகாராலன் மற்றும் ஏ.கே.ராமசாமி ஆகியோர் கொண்ட அமர்வு. 


ராஜபக்சேவுக்கு எதிராக வழக்கறிஞர்கள் யாரும் ஆஜராக முன்வரவில்லை என்பதால், நீதிமன்றமே இலவச சட்ட ஆலோசகராக உசிலை சிங்கம் செல்வராஜ் என்பவரை ஆஜராக உத்தவிட்டது. ஈழமக்களுக்காக வழக்கறிஞர் முத்துக்குமார் ஆஜரானார்.


இருதரப்பு வாதங்களையும் கேட்ட நீதிபதிகள் 313 சிஆர்பிசியின்படி கேள்விகளை குற்றவாளியிடம் கேட்டனர்.


நீதிபதி: ஏன் தலையை தொங்கப்போட்டு வருகிறாய். வெட்கமா?


ராஜபக்சே: என்னை எல்லோரும் சர்வதேச மாமா என்று அழைப்பதால் வெட்கமாக இருக்கிறது.


நீதிபதி: சர்வதேச மாமா என்று உங்களுக்கு பட்டம் கொடுத்தவர் யார்?


ராஜபக்சே: எனக்கு சோனியாவும், மன்மோகன் சிங்கும் கொடுத்தார்கள் அய்யா. இந்த பட்டத்தை அவமானமாக கருதுகிறேன்.


நீதிபதி: இது சரியான பட்டம்தானே என்ற நீதிபதிகள், ஒழுங்காக கேட்கிற கேள்விக்கு பதில் சொல்ல வேண்டும் என்று எச்சரித்தனர்.


நீதிபதி: நீ ஆயிரம் பெண்களை கற்பழித்தாயா? உன் மீது குற்றம் சுமத்தப்படுகிதே.


ராஜபக்சே அமைதியாக இருக்கிறார்.


நீதிபதி: குற்றம் செய்தாயா? இல்லையா?


ராஜபக்சே: நான் கற்பழித்தது உண்மைதான். ஆனால் பெண்களை தனி அறையில் வைத்து கற்பழிக்கவில்லை. எங்கள் நாட்டு ராணுவத்துடன் பாதுகாப்புடன் கற்பழித்தேன். 


நீதிபதி: அது என்ன பாதுகாவல்


ராஜபக்சே: கணவன் முன்பு அவன் மனைவியை, தாய், தகப்பன் முன்னால் மகள்களையும், சாட்சிகளாக உற்றார் உறவினர்கள் முன்னிலையில் நான் கற்பழித்தேன். என் படை பாதுகாப்புடன்தான் கற்பழித்தேன். இது எப்படி குற்றமாகும். ஆயிரம் பெண்கள் என்று குறைவாக சொல்லுகிறீர்கள். ஆயிரத்திற்கு மேற்பட்ட பெண்களை கற்பழித்தேன்.


நீதிபதி: 50 ஆயிரம் ஈழத்தமிழர்களை கொன்றாயா?

ராஜபக்சே: இல்லை அய்யா. ஒன்றரை லட்சம் பேர்.

நீதிபதி: நீ கொலை குற்றத்தை ஒப்புக்கொள்கிறாயா?

ராஜபக்சே: நான் கொலை செய்யவில்லை. என் ராணுவ வீரர்கள் கொன்றார்கள்.

நீதிபதி: உன் சம்மதத்துடன்தானே கொன்றார்கள்.


ராஜபக்சே: தாயிடம் கேட்டு தகப்பனை கொன்றேன். தகப்பனை வைத்து தாயை கொன்றேன். கணவனை வைத்து மனைவியை கொன்றேன். மனைவியை சம்மதிக்க வைத்து கணவனை கொன்றேன். தாய், தகப்பன், பிள்ளைகளை வைத்து பெரியவர்களை கொன்றேன். இது எப்படி குற்றமாகும். நீதிபதி மயங்கி விழுகிறார்.


நீதிபதி: நீ குற்றவாளியா இல்லையா


ராஜபக்சே: நான் குற்றவாளி இல்லை. ஆனால் ஒரு லட்சம் பேரை கற்பழித்தேன். ஒன்றரை லட்சம் பேரை கை, கால்களை கட்டி சாட்சியாக கொன்றிருக்கிறேன். 


நீதிபதி: ஒன்றரை லட்சம் பேரை கொன்ற உன்னை பொதுமக்கள் முன்னிலையில் உன் கை, கால்களை கட்டி சர்வதேச நீதிமன்றத்தில் தூக்கிலிட உத்தரவிடுகிறேன். வழக்கில் கொலைக்கான அனைத்து சான்றுகளும் இந்த நீதிமன்றத்தில் சமர்பிக்கப்பட்டுள்ளதால், சாகும் வரை தூக்கிலிட்டு செருப்பால் அடித்து கல்லால் அடிக்க இந்த நீதிமன்றம் உத்தரவிடுகிறது என்று தீர்ப்பு வழங்கப்பட்டது. 


இதையடுத்து அந்த மேடையில், ராஜபக்சே உருவபொம்மையை கொண்டு வந்து தூக்கிலிட்டனர். தூக்கு நிறைவேற்றப்பட்டதும், ராஜபக்சேவின் உருவபொம்மையை செருப்பால் அடித்தும், அந்த உருவபொம்மைக்கு தீவைத்தும் எரித்தனர். அப்போது அங்கு கூடியிருந்த பொதுமக்கள் மற்றும் வழக்கறிஞர்கள் ராஜபக்சேவுக்கு எதிராக கோஷங்களை எழுப்பினர்.




இந்த நிகழ்வு விரைவில் கண்டிப்பாக உண்மையாகும்...

நன்றி நக்கீரன் படங்கள்: அண்ணல்

Monday, March 18, 2013

தமிழக மாணவர் போராட்டங்கள் தீவிரவாத செயலே...


தமிழகத்தில் இலங்கைக்கு எதிராக நடைபெற்று வரும் போராட்டங்களை தீவிரவாத நடவடிக்கை என்று இந்தியாவுக்கான இலங்கை தூதர் பிரசாத் கரியவாசம் கூறியிருப்பது பெரும் சர்ச்சையை ஏற்படுத்தியிருக்கிறது. 

தமிழகத்தில் இலங்கைக்கு எதிராகவும் தமிழீழம் அமைக்க பொதுவாக்கெடுப்பு நடத்தக் கோரியும் மாணவர்கள், பொதுமக்கள் போராட்டங்களை கடந்த ஒரு வார காலமாக நடத்தி வருகின்றனர். 

இந்நிலையில் டெல்லியில் தொலைக்காட்சி ஒன்றுக்குப் பேட்டியளித்த இந்தியாவுக்கான இலங்கை தூதர் பிரசாத் கரியவாசம், ஐக்கிய நாடுகள் சபையில் இலங்கைக்கு எதிராக கொண்டு வரப்படும் தீர்மானம் தேவையற்றது. இலங்கையில் சர்வதேச சமூகத்தின் தலையீடு தேவையில்லை. நாங்களே ஒவ்வொரு நடவடிக்கையையும் மேற்கொண்டு வருகிறோம். 

சர்வதேச நிலையிலான ஒரு தீர்மானம் என்பது தமிழ்நாடு மற்றும் இலங்கையில் உணர்வுகளை கிளப்பிவிடக் கூடியதாகவே இருக்கும். தமிழகத்தில் இலங்கைக்கு எதிராக நடத்தப்படும் போராட்டங்களை வெளிநாடு வாழ் விடுதலைப் புலிகளின் ஆதரவாளர்களே தூண்டி விடுகின்றனர். 

இந்தப் போராட்டங்கள் தீவிரவாத செயல்களைப் போல இருக்கின்றனர். அப்பாவி இலங்கையர்களைத் தாக்குகின்றனர். இதைத்தான் இலங்கையில் கடந்த காலங்களில் விடுதலைப் புலிகளின் ஆதரவாளர்கள் கடை பிடித்தனர். வன்முறை மூலம் எந்த தீர்வையும் உருவாக்கி விட முடியாது என்றார் அவர்.

நியாயமான முறையில் போராடும் இந்த போராட்டங்களே தீவிரவாத செயல் ‌என்றால்... ஆயிரக்கணக்கில் கொன்று குவித்தார்களே அதை என்னவென்று சொல்வது....

இவருக்கு உங்கள் அர்ச்சனை செய்துவிட்டுபோங்கள்...

Wednesday, March 13, 2013

பரதேசி பட்ட பாடு..! பாலா வெளியிட்ட திடுக்கிடும் தகவல்கள்


இது பாலா வாரம்.. எனும் அளவுக்கு பரதேசி பற்றிய செய்திகளும் படங்களும் வீடியோக்களும் ஊடகங்களில் குவிந்துவிட்டன. 

நாளை மறுநாள் வெள்ளிக்கிழமை இந்தப் படம் உலகம் முழுக்க வெளியாகிறது. 

பரதேசி பற்றிய சில சுவாரஸ்ய குறிப்புகளும்… கடைசியில் ஒரு ஷாக்கிங் வீடியோவும் உங்களுக்காக! 

* பரதேசி படத்தின் ஒரிஜினல் கதை ரெட் டீ நாவல்.. அது மலையாளத்தில் மொழிபெயர்க்கப்பட்டு பின்னர் தமிழிலும் வெளியானது. தமிழில் தலைப்பு எரியும் பனிக்காடு! 

* இந்தப் படத்துக்கு முதலில் சனி பகவான் என்று பெயர் வைத்தார். அந்த நேரம் பார்த்து ஆதி பகவன் என்ற படத்தை எடுத்துக் கொண்டிருந்தார் அமீர். அதை பின்னர், கல்லறைத்தோட்டம் என மாற்றினார். பின்னர் என்ன நினைத்தாரோ.. பரதேசி என்று முடிவு செய்துவிட்டார். 


* பாலா என்ற ஒரு இயக்குநர் வெளியில் தெரியும் முன்பே அவருக்கு எல்லாமாக இருந்து ஆசி வழங்கியவர் இளையராஜா. தன் இசையால் அவர் படைப்புகளுக்கு அர்த்தம் தந்தவர். ஆனால் இந்தப் படத்தில் முதல் முறையாக ராஜா குடும்பத்துக்கு வெளியில், ஜி.வி.பிரகாஷிடன் இணைந்திருக்கிறார் பாலா. ஆனால் மனசுக்குள் ராஜா மேல் உள்ள மரியாதையைக் காட்ட, படத்தின் இறுதி வடிவத்தை இளையராஜாவுக்குக் காட்டி ஆசி பெற முடிவு செய்துள்ளாராம்.

* பாலாவின் படங்களில் வெளிநாட்டில் அதிக அரங்குகளில் வெளியாவதும் பரதேசிதான். 18-ம் நூற்றாண்டில் தமிழ் தேயிலைத் தோட்ட தொழிலாளிகளுக்கு ஆங்கிலேயர் செய்த கொடுமைகளை ஆங்கிலேயருக்குச் சொல்ல ஆங்கில சப்டைட்டிலுடன் 25 திரையரங்குகளில் பிரிட்டனில் வெளியாகிறது பரதேசி.


* பொதுவாக தன் பாடல் வரிகளில் யார் செய்யும் திருத்தங்களையும் அத்தனை சுலபத்தில் ஏற்க மாட்டார் வைரமுத்து. ஆனால் பாலா பல திருத்தங்கள் சொல்லச் சொல்ல, அதற்கேற்ப தன் பாடல்களை மாற்றிக் கொண்டாராம். அது மட்டுமல்ல, அடுத்த படத்துக்கும் வாய்ப்பு கேட்டுள்ளார். பாலா வழக்கம் போல சிரித்து வைத்தாராம். காரணம், அடுத்த படத்துக்கு மீண்டும் இளையராஜாவிடம் போகும் திட்டத்திலிருக்கிறார் பாலா. வைரமுத்துவுக்கு எப்படி வாக்கு தரமுடியும்! 

* இப்படத்தின் வில்லன் கதாபாத்திரத்துக்கு டப்பிங் பேச இயக்குனர் சீமானை அழைக்க முடிவு செய்தார் பாலா. ஆனால், கடைசி நேரத்தில் அந்த எண்ணத்தைக் கைவிட்டு விட்டார். அஜீத் விவகாரத்தில் சீமான்தான் பாலாவுக்கு உதவியவர் என்பது நினைவிருக்கலாம். 

* படத்தின் கிளைமாக்ஸ் காட்சியை படமெடுத்து முடித்துவிட்டு, மனசு பாரம் தாங்காமல் சோத்துப்பாறை ஏரியாவில் உள்ள சுடுகாட்டில் இரண்டு நாட்கள் படுத்துறங்கிவிட்டு வந்தாராம்! 

* இந்தப் படம் வலி மிகுந்த ஒரு வரலாற்றைச் சொல்லும் படம்தான் என்றாலும், பாலாவின் படங்களுக்கே உரிய நகைச்சுவையும் கொண்டதாக இருக்கும் என்கிறார்கள். 


* அதெல்லாம் ஓகேதான்… இந்தப் படத்துக்காக பாலா தன் நடிகர்களைப் படுத்தியிருக்கும் பாட்டை ஒரு வீடியோவாகத் தந்திருக்கிறார். 

அதைத்தான் எந்த வகையில் சேர்த்தி என்று தெரியவில்லை.. ரீலா.. ரியலா.. ? 

பரதேசியை அவர் பாராட்டினார்.. இவர் சிலாகித்தார் என்று வந்த அத்தனை பாஸிடிவ் செய்திகளையும் நாசமாக்கியிருக்கிறது இந்த ரியாலிட்டி டீஸர் என்பது மட்டும் சர்வ நிச்சயம்.  (
நன்றி சினிமா தளங்கள் 
)

இதோ அந்த வீடியோ.. 



Tuesday, March 12, 2013

விஸ்வரூபம் போல விஜய்யின் தலைவா படத்தையும் முடக்க சதி...!


நடிகர் விஜய்யின் படங்களுக்கு வைக்கும் டைட்டில்களுக்கு திரையுலகில் நல்ல டிமாண்ட் இருக்கிறது. என்ன டைட்டில் வைத்தாலும் அதற்கு சம்மந்தமான ஒரு டைட்டிலுடன் ஒரு கோஷ்டி கிளம்புகிறது. சமீபத்தில் வெளியான விஜய்யின் துப்பாக்கி திரைப்படத்திற்கு, கள்ளத்துப்பாக்கி திரைப்படத்தின் மூலம் பிரச்சனை வந்தது. 


பல நாள் போராட்டத்திற்குப் பிறகு இரு பிரிவினரும் சமாதானம் அடைந்து துப்பாக்கி ரிலீஸ் செய்யப்பட்டது. துப்பாக்கி திரைப்படத்திற்கு ஏற்பட்ட இதுபோன்ற பிரச்சனைகள் இனி ஏற்படக்கூடாது என்பதில் உறுதியாக இருக்கும் விஜய், தான் நடிக்கும் படத்தின் இயக்குனர்களிடம் ’தலைப்பு தேர்ந்தெடுப்பதில் கவனமாக இருங்கள்’ என்பது தானாம். 





விஜய்-விஜய் இணைந்திருக்கும் ’தலைவா’ படத்தின் டைட்டிலை தேர்ந்தெடுத்த போதும் பல அசிஸ்டண்ட் இயக்குனர்களின் தலை உருட்டப்பட்டது. அவ்வளவு கஷ்டப்பட்டு தேர்ந்தெடுக்கப்பட்ட தலைப்பிற்கும் இப்போது பிரச்சனை வந்துவிட்டது. சசிகலாவின் அக்கா மகன் பாஸ்கரன் நடித்துக்கொண்டிருக்கும் படம் ‘தலைவன்’. 


விஜயகாந்த் நடித்த உளவுத்துறை, அருண்விஜய் நடித்த ‘ஜனனம்’ ஆகிய படங்களை இயக்கிய ரமேஷ் இத்திரைப்படத்தையும் இயக்கியுள்ளார். சுமன், கோட்டா சீனிவாசராவ், சந்தானம் என வலிமையுடன் இருக்கும் ‘தலைவன்’ படக்குழுவில், இனிமையான நிகிஷா படேலும் நடிக்கிறார். 


விஜய்-விஜய் திரைப்படம் துவங்கப்பட்டபோது ’தலைவன்’ என பெயரிட இருந்தபோது சசிகலா மகன் பாஸ்கரன் தரப்பிலிருந்து எதிர்ப்பு வந்ததால் ‘தலைவா’ என மாற்றினார்கள். ஆனால் ‘தலைவா’வின் தலையையும் இப்போது குறிவைத்திருக்கிறதாம் ‘தலைவன்’ படக்குழு. 


விஜய்யின் தலைவா திரைப்படம் ரிலீஸாகும் போது பிரச்சனை செய்யும் நோக்கில், ரிலீஸுக்கு தயாராகிவிட்ட ‘தலைவன்’ திரைப்படம் கிடப்பில் போடப்பட்டு கிடக்கிறாதாம்.

Friday, March 8, 2013

”இளையராஜாவுக்கும் வைரமுத்துவுக்கும் இந்த பாடல் சமர்ப்பனம்” - கார்க்கி!


’தமிழ்ப்படம்’ திரைப்படத்தின் மிகப்பெரிய வெற்றிக்குப் பிறகு சி.எஸ்.அமுதன் இயக்கும் அவரது இரண்டாவது படத்தின் பெயர் “ரெண்டாவது படம்”. தமிழ்ப்படம், ரெண்டாவது படம் என வார்த்தைகளைக் கொண்டு விளையாடும் அமுதன் தன் பட பாடல்களுக்கு குப்ப தொட்டி, ஆப்பு பர்த்டே, அடுத்த பருப்பு, ரோஜாப் பூ, டெத் ஆன்தம் (DEATH ANTHEM) என டைட்டில் கொடுத்திருக்கிறார். 

”ரோஜா பூ ஒன்று ராஜாவின் கைசேர... வானம் செந்தூரம் சூடும்” என்ற பாடல் 80-களில் வெளிவந்த பாடல்களின் ஸ்டைலில் உருவாக்கப்பட்டுள்ளது. இளையராஜாவும்- வைரமுத்துவும் இணைந்து 80-களில் இணையற்ற பல பாடல்களைக் கொடுத்திருக்கிறார்கள். அவர்களுக்குப் பின் அந்த ஸ்டைலில் யாராலும் பாடல்களை கொடுக்க முடியவில்லை என்ற குறை இப்போது தமிழ் சினிமாவில் இருப்பதை உணர்ந்தே அமுதன் இந்த முடிவை எடுத்திருக்கிறார். 


இந்த ரோஜா பூ பாடலை பாடலாசிரியர் மதன் கார்க்கி எழுதியிருக்கிறார். 80-களின் ஸ்டைலில் பாடல் எழுதிய அனுபவம் பற்றி பேசிய மதன் கார்க்கி “ 80-களின் ஸ்டைலில் பாடல் எழுதியது எனக்கு சவாலாக இருந்தது. நான் சிறிய வயதிலிருந்தே வைரமுத்து - இளையராஜா இணைந்து உருவாக்கிய பாடல்களைக் கண்டு வியந்திருக்கிறேன். இந்தப் பாடலை எஸ்.பி.பி - சித்ரா பாடியிருக்கிறார்கள். நான் எழுதிய வரிகளை முதல்முதலாக இருவரும் பாடுவது மகிழ்ச்சியாக இருக்கிறது. இந்தப் பாடல் இளையராஜாவுக்கும், வைரமுத்துவுக்கும் சமர்ப்பணம் செய்கிறேன்” என்று கூறினார்.


புன்னகை மன்னன் படத்தில் பிரிந்த இளையராஜாவையும் வைரமுத்துவையும் இணைத்து வைக்க பலர் முயற்சி செய்தாலும், அது நடக்காமலே போனது. பாரதிராஜாவும் இந்த விஷயத்தில் போராடித் தோற்றுப்போனார். இந்த சூழலில் ரெண்டாவது படம் படத்தில் வரும் ரோஜா பூ ஒன்று என்ற பாடல் கேட்பவர்களை பரவசப்படுத்தும் என்பதில் சந்தேகம் எதுவும் இருக்க முடியாது!


ரோஜா பூ - பாடல் வரிகள்...


குழு - மயில் தோகை கொண்டே 
விசிறி தோழன் ஒருவன் மயங்கிவிட்டானே
காதல் மதுவை அருந்தி... 
திருக்கோவில் தீபம் எனவே
தோழி கைத்தலம் பிடிக்க வந்தாலே
தீயில் ஒளியாய் பொருந்தி...
கடல் சேரும் நீலம் எனவே
இசை சேரும் தாளம் எனவே 
மகிழ்வோடு காலம் முழுதும் வாழ்கவே!


பல்லவி


ஆண் - ரோஜா பூ ஒன்று... ராஜாவின் கைசேர... 
வானம் செந்தூரம் சூடும்
மாலை நிலவும் உன் போலே எழுந்து
மேகம் அணிந்து பாடும்
மாயம் புரிந்தாய்...
காற்றாய் நிறைந்தாய்...


குழு - உனக்கே பிறந்தாள் 
இதயம் திறந்தாள் 
நிலவாய் உன்னில் உதித்தாள்
காதல் தடம் பதித்தாள்


சரணம் - 1


ஆண் - தானாய் வந்ததொரு நந்தவனம் 
என் சொந்தவனம் 
பெண் - நீதான் காலமெங்கும் என் வசந்தம் 
ஒரு பொன்வசந்தம்
ஆண் - தேன் மழை பொழியவா
பெண் - நான் அதில் நனையவா
ஆண் - உயிரே... உயிரில் இணையவா...


சரணம் - 2


பெண் - காமன் கோயிலுக்குள் போக மேடை
அதில் ராஜ பூஜை
ஆண் - மாமன் கைகளுக்குள் நூறு வித்தை
நீ பஞ்சு மெத்தை 
பெண் - வேர்வையில் குளிக்கலாம்
ஆண் - பார்வையில் துடைக்கலாம் 
பெண் - உறவே இரவை படிக்கலாம்

Wednesday, December 5, 2012

கமல்ஹாஸனின் டாப் 5 பாக்ஸ் ஆபீஸ் ஹிட்ஸ்!



கமல்ஹாஸன் என்றால் மிகச் சிறந்த நடிப்பு, புதிய கோணத்தில் படமாக்கம், கலை நேர்த்தி போன்றவற்றைத்தான் பிரதானமாகப் பேசுவார்கள். வசூல் இரண்டாம்பட்சம்தான்.

ஆனால் கமல் படங்களும் வசூலில் பெரிய சாதனைப் படைத்தவைதான். பல வெள்ளிவிழாக்கள் கண்டவைதான். கமல் ஹாஸனின் கேரியரில் மிகச் சிறந்த வசூலைக் குவித்த 5 படங்களை இங்கே பார்ப்போம்.


ஜிஎன் ரங்கராஜன் இயக்க, இளையராஜா இசையில் வெளியான படம் இது. பஞ்சு அருணாச்சலம் தயாரிப்பில் உருவாகியிருந்தது. பாடல்கள் பட்டையைக் கிளப்பின அன்றைய நாட்களில். இன்று கேட்டாலும் தித்திக்கும் மலர்களில் ஆடும் இளமை, காதல் வந்துருச்சி... பாடல்கள். வெள்ளிவிழா மட்டுமல்ல.. வசூலிலும் சாதனை படைத்த படமிது.


சகலகலா வல்லவன்...


எண்பதுகளில் சூப்பர் ஸ்டார் ரஜினிக்கு முரட்டுக் காளை முத்திரைப் படமாக அமைந்ததென்றால், அதற்கு நிகராக கமலுக்கு அமைந்த படம் சகலகலா வல்லவன். பழைய எம்ஜிஆர் படத்தின் ரீமேக்தான் இது. ஆனால் அதிரடி மசாலா... அதற்கேற்ப பட்டி தொட்டியெங்கும் கலக்கல் வசூல்.
கிராமங்களிலிருந்து வண்டி கட்டிக் கொண்டு போய் பக்கத்திலுள்ள சிறு நகரங்களில் மக்கள் படம் பார்த்தது இன்னும் கண்ணில் நிற்கிறது. மிகச் சிறிய பட்ஜெட்டில் இந்த சாதனையை நிகழ்த்தியிருந்தார் இயக்குநர் எஸ்பி முத்துராமன்


அபூர்வ சகோதரர்கள்


கமல்ஹாஸன் கேரியரில் மறக்க முடியாத வசூலைத் தந்த படம் இது. சிங்கீதம் சீனிவாசராவ் இயக்கியிருந்தார். தொழில்நுட்பம், படமாக்கம், இசை என பல வகையிலும் அருமையாக வந்திருந்தது அபூர்வ சகோதரர்கள். சிங்கீதம் சீனிவாசராவ் இயக்கத்தில், இளையராஜா இசையில், தமிழ் சினிமாவில் இடம்பிடித்த முக்கியப் படம் இது.


நாயகன்


இந்தப் படம் காட் பாதரின் காப்பி என விமர்சிக்கப்பட்டாலும், அந்த விமர்சனங்களை இடது கையால் புறம் தள்ள வைத்தது இரண்டு விஷயங்கள்.
ஒன்று கமல் எனும் கலைஞனின் காலத்தை வென்ற நடிப்பும், இசைஞானியின் ஜீவ இசையும்தான்.
இந்தப் படத்தின் ஆரம்ப வசூல் அத்தனை திருப்தியாக இல்லை. ஆனால் நாளாக நாளாக தியேட்டர்கள் திருவிழாக் கோலம் பூண்டது தனிக்கதை.


தேவர் மகன்


கமல் படங்களிலேயே வசூலிலும் வெற்றியிலும் தனி முத்திரைப் பதித்த படம் தேவர் மகன். ஒவ்வொரு காட்சியும் க்ளாஸ் எனும் அளவுக்கு பரதனின் இயக்கமும் கமலின் திரைக்கதையும் அமைந்திருந்தன. இளையராஜாவின் இசை ராஜ்யம் இந்தப் படத்திலும் கொடி கட்டிப் பறந்தது.

இந்தப் படங்களுக்குப் பிறகு வந்தவற்றில் இந்தியன், அவ்வை சண்முகி, தசாவதாரம் போன்றவையும் நல்ல வசூலைக் குவித்தவையே. ஆனால் Mass with Class என்று பார்த்தால் மேற்கண்ட ஐந்தையும் எந்த விவாதமின்றி ஒப்புக் கொள்வார்கள், மாற்று முகாம் ரசிகர்களும்!



LinkWithin

Related Posts Plugin for WordPress, Blogger...