முதல்வருக்கு டாஸ்மாகிலிருந்து ஒரு குடிமகனின் கடிதம்

தமிழக அரசு, மலிவு விலையில் உணவு, குடிநீர் வழங்குவது போல, "டாஸ்மாக்' பார்களில், மலிவு விலையில் ஊறுகாய், வறுத்த முந்திரி, தண்ணீர் பாக்கெட் வழங்கி, "குடிமகன்'கள் வயிற்றில், சரக்கை வார்க்க வேண்டும் என, வேண்டுகோள் விடுத்து, இப்பகுதியில், "குடிமகன்' ஒருவர், கடிதம் எழுதிஇருந்தார். 

அதைக் கண்டு, "நஞ்சுண்பார் கள்ளுண்பவர்' என, "கள்ளுண்ணாமை'யை ஆணித்தரமாக வலியுறுத்திய, வள்ளுவர் காட்டிய வழியில் இருந்து, தமிழன் இப்படித் தடம் புரண்டு போய்க் கொண்டிருக்கிறானே என, வேதனைப்படுவதா அல்லது இலவசங்களால், மக்களைக் கவர நினைக்கும் அரசுக்கு, இப்படியும் ஒரு கோரிக்கை வைக்கலாம் என, அவர் எண்ணியதை நினைத்து, சிரிப்பதா என, தெரியவில்லை. 

எப்படியோ ஒரு உண்மை புரிகிறது. இந்த இலவச, மலிவுக் கலாசாரம், தமிழன் நல்வாழ்வுக்கு உதவாமல், அவனை மேலும், சோம்பேறியாக, பிச்சைக்காரனாக, தன்மானம் இல்லாதவனாக மாற்றிக் கொண்டிருக்கிறது. 

உச்ச நீதிமன்ற அறிவுரையை பின்பற்றாமல், வாழ்வுத் தரத்தை முன்னேற்றாத, மக்களை மயக்கி ஏமாற்றும், தற்காலிக பயன் தரும், இலவச பொருட்களை அள்ளிவிடும் அரசியல் கலாசாரத்திற்கு அடிமையாகாமல், இனி, இலவசங்களை புறக்கணிப்போம்.

மதுக்கடைகளால், அரசுக்கு வரும் வருமானத்தைப் பற்றி கவலைப்படாமல், பூரண மதுவிலக்கை, பல ஆண்டுகளாக அமல்படுத்தி, பல்வேறு வளர்ச்சித் திட்டங்களால், "ஜம்'மென்று வளர்ந்து வரும் குஜராத் மாநிலத்தை, தமிழகமும், மற்ற மாநிலங்களும் பின்பற்ற வேண்டும். 

மலிவு ஊறுகாயோடு, சரக்கடிக்க, முதல்வருக்கு கோரிக்கை விடுக்கும், வீரக் குடிமகன்களும், அவர் தம் குடும்பங்களும், தமிழகமும் மேலும் சீரழிவதைத் தடுக்க, தமிழக முதல்வர் டாஸ்மாக் கடைகளை இழுத்து மூட வேண்டும். வேண்டாம் டாஸ்மாக்; தமிழன் வாங்கட்டும், "பாஸ்மார்க்!'

ஜெயலலிதாவும் இதற்குமுன் அம்மா தொழிலைத்தானே செய்தார் - கருணாநிதி

பெரும்பாலும் பெற்றோர் ஈடுபடுகின்ற பணியிலே தான் வாரிசுகளும் தொடர்ந்து ஈடுபடுகிறார்கள். குறிப்பாக ஜெயலலிதாவை எடுத்துக் கொண்டால் கூட, அவருடைய அன்னையார் திரைப்படத்திலே நடித்தார். அவரைத் தொடர்ந்து ஜெயலலிதாவும் திரைப்படத்திலே நடிக்கவில்லையா? அதன் பிறகு தானே அவர்தன் தொழிலை மாற்றிக் கொண்டு அரசியலுக்கு வந்தார் என்று கேட்டுள்ளார் திமுக தலைவர் கருணாநிதி. 

முதல்வர் ஜெயலலிதா வெளியிட்ட மிக நீளமான அறிக்கைக்குப் பதில் அறிக்கையாக தானும் ஒரு நீளமான பதிலறிக்கையை திமுக தலைவர் கருணாநிதி வெளியிட்டுள்ளார். அந்த கேள்வி பதில் பாணி அறிக்கை... 

கேள்வி: தங்கள் மகளை வெற்றி பெறச் செய்வதற்காக காங்கிரஸ்கட்சிக்கு நீங்கள் தூது அனுப்பியபோது, "பார்லிமெண்டில் உணவு மசோதா,நிலம் கையகப்படுத்தும் மசோதா ஆகியவற்றை நிறைவேற்ற காங்கிரஸ் முயற்சிஎடுக்கும்போது குறுக்கே நிற்கக் கூடாது" என்பது உட்பட பல்வேறு நிபந்தனைகளை காங்கிரஸ் கட்சி விதித்ததாகவும், நீங்கள் ஏற்றுக் கொண்டதாகவும் பத்திரிகைகளில் செய்திகள் வெளிவந்ததாகவும், அதில் உள்ள உண்மைநிலையை நீங்கள் தான் விளக்க வேண்டும் என்றும் ஜெயலலிதா தன்அறிக்கையில் கேட்டிருக்கிறாரே?

கருணாநிதி: பாவம், ஒரு முதலமைச்சர், தன்னிடமுள்ள நிர்வாக இயந்திரங்களின் மூலம் உண்மையைப் புரிந்து கொள்ளாமல், ஏடுகளிலே வெளிவரும் யூகச் செய்திகளை நம்பி அரசியலை நடத்த வேண்டிய நிலைக்கு ஆளாகி விட்டாரே? முதல்வர் கூறியுள்ள பத்திரிகைச் செய்திகள்அனைத்தும் உண்மைக்கு மாறானவை. அதிலே எள்ளளவு கூட உண்மையில்லை. காங்கிரசும் எந்தவிதமான நிபந்தனைகளையும் விதிக்கவில்லை. காங்கிரஸ்கட்சியின் பொறுப்பாளர், முகுல் வாஸ்னிக் அவர்களே இதைப் பற்றி,காங்கிரஸ் எந்தவிதமான நிபந்தனைகளையும் விதிக்கவில்லை என்பதை அந்தநேரத்திலேயே தெளிவுபடுத்தி; அது ஏடுகளிலேயே வெளிவந்திருக்கிறது. 

கேள்வி: முதல்வர் ஜெயலலிதா இன்று (11-8-2013) விடுத்துள்ளஅறிக்கைகளில், உணவுப் பாதுகாப்பு மசோதாவிற்கான திருத்தங்களை திமுக நாடாளுமன்றத்தில் அளிக்குமா? அளிக்காதா? என்று கேட்டிருக்கிறாரே? 

கருணாநிதி: முதல்வரா இந்தக் கேள்வியைக் கேட்டிருக்கிறார்? கடந்த 7-8-2013 அன்றே இந்த மசோதாவிற்கான திருத்தங்களை திமுக சார்பில் நாடாளுமன்றக் கழகக் குழுத் தலைவர் டி.ஆர். பாலு கொடுத்துவிட்டாரே! அதைக் கூடத் தெரிந்து கொள்ளாமல் ஒரு முதல்வர் 10ஆம்தேதி அறிக்கையிலே; அதை ஒரு கேள்வியாக என்னிடம் கேட்டிருக்கிறாரே,அதற்காக நான் பரிதாபப்படுவதைத் தவிர வேறு வழியில்லை! பாவம்! அந்தச்செய்தி கொடநாடு வரையிலே எட்டவில்லை போலும்! 

கேள்வி: நீங்கள் முன்பு கொடுத்த அறிக்கையிலே, "மசோதாவினை திமுக எதிர்க்கும் என்ற வாசகங்கள் இடம் பெறவில்லை" என்று ஜெயலலிதா சொல்லியிருக்கிறாரே? 

கருணாநிதி: அவர் கூறுகின்ற எனது அறிக்கையிலே எங்கேயாவது மசோதாவினை திமுக ஆதரிக்கும் என்ற வாசகங்கள் இடம் பெற்றிருக்கிறதா? ஜெயலலிதா 2-8-2013 அன்று பிரதமருக்கு எழுதிய கடிதத்தை முடிக்கும் போதுகூட; "மசோதாவை அதிமுக எதிர்க்கும்" என்று தெரிவித்திருக்கிறாரா என்றால் கிடையாது, கிடையாது, கிடையவே கிடையாது. 

மாறாக கடைசி பத்திஎன்னவென்றால், "Hence, I strongly urge you to ensure that the concerns of Tamil Nadu are addressed through the inclusion of the appropriate amendments in the Bill that the Government of India intends to place before Parliament to replace the Food Security Ordinance" என்பது தான். அதாவது இந்த மசோதாவில் தேவையானதிருத்தங்களைச் சேர்த்துக் கொள்ள வேண்டும் என்பது தான். இதையே தான் நானும் என்னுடைய "உடன்பிறப்பு" மடலில், "அவசர, அவசியமான திருத்தங்களுடன் மாநிலங்களில் உள்ள நடைமுறைக்கு ஏற்ப கொண்டு வர மத்திய அரசு முன்வரவேண்டும். மாநில உரிமைகளுக்கு இம்மியளவு பாதிப்பும் ஏற்படாமல், இந்த உணவுப் பாதுகாப்பு மசோதா நிறைவேற்றப்பட்டால் மாத்திரமே திராவிட முன்னேற்றக் கழகம் அதனை ஆதரிக்கும்" என்று எழுதியிருக்கிறேன். 

கேள்வி :- இதே வடிவில் உணவுப் பாதுகாப்பு மசோதா மீது வாக்கெடுப்புநடைபெற்றால், தி.மு.க. அதற்கு எதிராக வாக்களிக்குமா என்று ஜெயலலிதாகேள்வி கேட்டிருக்கிறாரே? 

கருணாநிதி: தற்போதுள்ள மசோதா, பல்வேறு கட்சியினரும் எடுத்துத் தெரிவித்துள்ள, முக்கியமான திருத்தங்களைத் தாங்கி வெளிவருமானால் அப்போது அதனை திமுக ஆதரிக்கும்! திருத்தங்களை ஏற்றுக் கொள்ளாமல்,இதே நிலையில் தான் கொண்டு வருவோம் என்று மத்திய அரசு உறுதியாகத் தெரிவித்தால் அப்போது அந்த மசோதாவினை திமுக எதிர்க்கும். முதல்வர் ஜெயலலிதா இனியாவது தெளிவு பெறுவாரா? 

கேள்வி: உணவுப் பாதுகாப்பு மசோதா குறித்து நீங்கள் தெளிவாக அனைவருக்கும் புரியும்படியாக திரும்பத் திரும்ப எழுதிய பிறகும் முதல்வர் ஜெயலலிதா திரும்பத் திரும்பக் கேள்வி கேட்பதைப் பற்றி? 

கருணாநிதி: பொதுவாக அவருக்கு அன்றாடம், அவர் பெயரில் ஏதாவதுஅறிவிப்பு வெளிவரவேண்டும்; அல்லது அறிக்கை வெளி வரவேண்டும். பேரவை நடைபெற்றாலாவது, 110வது விதியின் கீழ் ஏதாவது அறிக்கையைப் படிக்கலாம். தற்போது அதற்கு வழியில்லை என்பதால், தினமும் ஏதாவது அறிக்கை விடுகிறார். உணவுப் பாதுகாப்பு மசோதாவில் பல சாதக பாதகங்கள் இருக்கலாம். அதனால் தான் தொடக்கத்திலேயே அதைப்பற்றி நாடாளுமன்ற உறுப்பினர்களோடு கலந்து பேசுவோம் என்று குறிப்பிட்டிருந்தேன். அந்தச் சட்டத்தினால் வரக் கூடிய பாதகங்களை முதலமைச்சர் சுட்டிக் காட்டியிருக்கிறார். 

மசோதாவின் நன்மைகளை மத்திய அரசின் சார்பில் கூறுகிறார்கள். இதிலேமுக்கியமாக மாநில உரிமைகள் பறிக்கப்பட்டு விடக் கூடாது என்பதைத் தான்நான் சுட்டிக் காட்டியுள்ளேன். அதையும் மீறி இந்த மசோதா இப்போதுள்ள வடிவிலேயே கொண்டு வரப்படுமேயானால் அதை நாங்கள் ஏற்க முடியாதுஎன்பதைத் திட்ட வட்டமாகத் தெரிவித்திருக்கிறோம். இதற்குப் பிறகும் கிராமங்களில் "காமன்" பண்டிகைகளில் எரிந்த கட்சி - எரியாத கட்சி என்றுபோட்டி போட்டுக் கொண்டு பாடுகின்ற அதே "மெட்"டில் ஜெயலலிதா அறிக்கைவிட்டுக் கொண்டிருப்பது கண்டிக்கத் தக்கது மாத்திரமல்ல; ஒரு முதல்வர் இந்த அளவிற்கு இறங்கியிருக்கிறாரே என்ற வருத்தத்தையும் தரத் தக்கதுமாகும்.

கேள்வி: குடும்பத்தினரைப் பற்றி ஜெயலலிதா ஒவ்வொரு அறிக்கையிலும் சுட்டிக் காட்டுவதைப் பற்றி நீங்கள் கேட்டதற்கு, உங்கள் குடும்பத்தில் மகன்கள், மகள், பேரன் என எல்லோருமே அரசியலில் ஈடுபட்டுக் கொண்டிருக்கிறார்கள், கழகமே குடும்பம் என்றிருந்த நிலைமை மாறி குடும்பமே கழகம் என்று ஆகி விட்ட நிலையில் குடும்பத்தைப் பற்றிப் பேசாமல் இருப்பது எப்படி என்று ஜெயலலிதா கேட்கிறாரே?

கருணாநிதி: குடும்பத்திலே உள்ளவர்கள் அரசியலிலே ஈடுபட்டிருக்கும்போது, அவர்கள் தவறு செய்தால், அதைப்பற்றிப் பேசுவதிலே தவறில்லை. ஆனால் இல்லாததையும், பொல்லாததையும் இட்டுக்கட்டிப் பேசக் கூடாதல்லவா? மேலும் நான் அரசியலிலே இருப்பதால், என்னுடைய குடும்பத்தினரில் சிலர் அரசியலிலே ஈடுபடுகிறார்கள்.

இந்திய அரசியலில் எடுத்துக் கொண்டால் நேரு குடும்பத்திலே தொடங்கி, அரசியல் தலைவர்கள் பலரது குடும்பங்களில், அவரவர் குடும்பத்தினர் அரசியலில் ஈடுபட்டுத் தான் வருகிறார்கள். என் குடும்பம் மட்டும் என்ன பாவம் செய்தது என்று தெரியவில்லை! பெரும்பாலும் பெற்றோர் ஈடுபடுகின்ற பணியிலே தான் வாரிசுகளும் தொடர்ந்து ஈடுபடுகிறார்கள். குறிப்பாக ஜெயலலிதாவை எடுத்துக் கொண்டால் கூட, அவருடைய அன்னையார் திரைப்படத்திலே நடித்தார். அவரைத் தொடர்ந்து ஜெயலலிதாவும் திரைப்படத்திலே நடிக்கவில்லையா? அதன் பிறகு தானே அவர்தன் தொழிலை மாற்றிக் கொண்டு அரசியலுக்கு வந்தார்! 

கேள்வி: சில்லரை வணிகத்தில் அந்நியப் பெரும் நிறுவனங்களைஅனுமதிக்க முடிவு செய்த இந்திய அரசைக் கண்டித்து நீங்கள் கூறிய போதிலும், நாடாளுமன்றத்தில் சில்லரை வணிகத்தில் அந்நிய முதலீட்டிற்கு ஆதரவாக திமுகஉறுப்பினர்கள் வாக்களித்ததைச் சுட்டிக்காட்டி, இது துரோகம் இல்லையா? இரட்டை வேடம் இல்லையா? என்று ஜெயலலிதா கேட்டிருக்கிறாரே? 

கருணாநிதி: நான் அப்போதே வெளியிட்ட எனது அறிக்கையின் தொடக்கத்திலேயே தெளிவாக சில்லரை வணிகத்தில் அன்னிய முதலீட்டை நாங்கள் ஏற்றுக் கொள்ளவில்லை என்று கூறியிருக்கிறேன். தமிழகத்திலே அப்படிப்பட்ட நிலை இல்லை என்று தமிழக முதல்வரே சொல்லி விட்டதால், இங்கேயுள்ள சிறு வணிகர்களுக்கோ, விவசாயிகளுக்கோ எந்தவிதமானஆபத்தும் ஏற்படாது என்பதால்தான், மத்தியில் நிலையான அரசு வேண்டும்என்பதை மட்டும் கருதி இந்தப் பிரச்சினையில் மத்திய அரசை தி.மு. கழகம்ஆதரிக்கும் என்று தெரிவித்திருக்கிறேன். அப்போது மாத்திரமல்ல; அண்மையில் வெளியிட்ட அறிக்கைகளிலே கூட சில்லரை வணிகத்தில் அன்னியமுதலீட்டினை எதிர்த்துத் தான் கருத்துகளை வெளியிட்டிருக்கிறேன். 

அப்போது தி.மு. கழகம் காங்கிரஸ் கட்சியோடு ஓரணியில் இருந்து, மத்திய ஆட்சியில்கூட்டுப் பொறுப்போடு செயல் பட்டதால், கூட்டணிக்குத் துரோகம் செய்யாமல் வாக்குப் பதிவின் போது அவ்வாறு நடந்து கொண்டது என்பதை அப்போதும்,இப்போதும் தெளிவாக்கிட விரும்புகிறேன். அதற்கான காரணத்தையும்அப்போதே விளக்கியிருக்கிறேன். இது ஒன்றும் துரோகமோ, இரட்டை வேடமோகிடையாது. கூட்டணிக் கட்சியை ஆதரிக்காமல் விட்டிருந்தால் தான் அதுஅரசியல் துரோகமாகக் கருதப்படும். இவ்வாறு கூறியுள்ளார். 

கேள்வி :- நீங்கள் தெளிவாக நீண்ட விளக்கங்கள் அளித்த பிறகும்,அதைப் படிக்காமலேயே முதல்வர் ஜெயலலிதா ஏழு கேள்விகளைக்கேட்டிருக்கிறாரே? அதில் உணவு பாதுகாப்புச் சட்டத்தால் தமிழ்நாட்டிற்கு வழங்கப்படும் அரிசி ஒரு லட்சம் டன் அளவுக்கு குறைக்கப்பட்டு விடும் என்பது தெரியுமா? தெரியாதா? என்றெல்லாம் கேட்டிருக்கிறாரே? 

கருணாநிதி: முதல்வர் ஜெயலலிதா கேட்டுள்ள ஏழு கேள்விகளுக்கும்அவர் கேள்வி கேட்பதற்கு முன்பே நான் பதிலளித்திருக்கிறேன். அந்தப் பதிலைமுழுமையாகப் படிக்காமலேயே திரும்பவும் அதைக் கேட்டால் நான் என்ன செய்வது? உதாரணமாக, நான் என்னுடைய அறிக்கையில், "தி.மு. கழகத்தைப் பொறுத்தவரை இந்த மசோதா காரணமாகத் தமிழகத்தில் ஏற்கனவேநடைமுறையில் இருந்து வரும் பொது விநியோகத் திட்டத்திற்கு எந்த வகையிலும் ஊனம் ஏற்பட்டு விடக் கூடாது என்பதிலும், யாருக்கும் பாதிப்பு கூடாதுஎன்பதிலும், மாநில உரிமைகள் பறி போய் விடக் கூடாது என்பதிலும் உறுதியாகஇருக்கிறது" என்று குறிப்பிட்டிருக்கிறேன். 

இதற்கு மேலும் முதல்வர் தெளிவு பெறவில்லையே; ஏன் என்று தான் புரியவில்லை. தூங்குகிறவர்களை எழுப்பிவிடலாம்; ஆனால் தூங்குவதைப் போல பாசாங்கு செய்யும் லலிதாக்களை எழுப்பவே முடியாது என்று கூறியுள்ளார் கருணாநிதி.

தேர்தலுக்காக அரசியல் செய்கிறாரா..? ஜெயலலிதாவின் அறிவிப்புகளின் உண்மை பிண்ணனி என்ன ?

தமிழ்த்தாய் சிலை, 100 கோடி ரூபாய் செலவில், அமைக்கப்படும் என்கிற முதல்வரின் அறிவிப்பு, "உண்மையான' தமிழ் ஆர்வலர்கள் இடையில் கூட, அதிருப்தியைத் தான் ஏற்படுத்தி இருக்கும். 

கடுமையான மின்வெட்டு, விவசாயத்துக்கு ஏற்பட்டுள்ள பாதிப்பு, எதிர்பார்க்கப்படும் குடிநீர் தட்டுப்பாடு, தடுமாறும் சட்டம் - ஒழுங்கு, பெருகி வரும் வன்முறை, அண்டை மாநிலங்கள் மற்றும் மத்திய அரசின் காழ்ப்புணர்ச்சி போன்ற, பல பிரச்னைகள், பொதுமக்களின் அன்றாட வாழ்க்கையில், சிரமங்களை ஏற்படுத்தி உள்ளன. இவற்றை நிவர்த்தி செய்து, மக்கள் நிம்மதியாக வாழ, வழி செய்ய வேண்டியது அரசின் முதல் கடமை. 

தமிழை வளர்க்கும் எண்ணம் இருந்தால், முதலில் பள்ளிகளில், கல்லூரிகளில் தமிழை சரியாக எழுதவும், படிக்கவும் சொல்லித் தரலாம். தமிழ் வளர்த்த சான்றோர் பற்றி அறிமுகம் செய்யலாம். ஓலை சுவடிகளில் உள்ள அரிய பொக்கிஷங்களை, மைக்ரோ பிலிமில் பதிவு செய்து பத்திரப்படுத்தலாம். 

அறிவியல், இயற்பியல் போன்ற பாடங்களுடன், தமிழ்ப் பாடத்தையும் சேர்த்து, கட்டாயப் பாடமாக்கி, மதிப்பெண்களில் முக்கியத்துவம் தரலாம். முன்பெல்லாம், திருப்பாவை, திருவெம்பாவை, திருக்குறள் ஓதுவதில் போட்டி வைப்பர். அது போல, பாரதியார் கவிதைகள், தமிழ் இலக்கணம் போன்றவற்றில், மாநில அளவில் போட்டிகள் நடத்தி, பரிசுகள் வழங்கலாம். 

அரசியல் போட்டிக்காக செய்யப்படும் விசித்திரமான அறிவிப்புகளுக்கு, இது நேரமில்லை. தமிழை வைத்து பிழைப்பவர்கள் சிலர், ஆரவாரத்துடன் இதை பாராட்டலாம். செயற்கரிய செயல்கள் பல, மக்கள் உள்ளத்தில் நிலைத்து நிற்கும். சத்துணவு திட்டம், புரட்சித் தலைவரின் புகழை, உலகெங்கும் பரப்பியது. 

முதல்வரின் வீராணம் குடிநீர் திட்டம், சென்னை மக்களை காப்பாற்றியது. நேரு உள் விளையாட்டரங்கம், உலகத் தரத்துக்கு எடுத்துக்காட்டாக நிற்கிறது. "அம்மா உணவகம்' மக்கள் பசி தீர்க்கிறது. மழைநீர் சேகரிப்பு திட்டம், பான் பராக், குட்கா தடை போன்றவை, முதல்வரின் பெயர் சொல்லும்! 

தேர்தல் நெருக்கத்தில், அரசியல் செய்யலாம்; இப்போது, அவசியத்தை மட்டுமே பார்க்க வேண்டும்!

ஜெ, மனசு குளிருமா, ! வடிவேலு தூக்கிய சமாதானக் கொடி...!

'முதல்வரம்மாவுக்கு தங்க மனசு' என்று ஓப்பன் பேட்டி கொடுத்து சமாதானக் கொடியை பறக்க விட்டிருக்கிறார் வடிவேலு.

முதல்வர் கலந்து கொண்ட ஒரு விழாவில் வடிவேலுவுக்கு அழைப்பு அனுப்பப்பட்டும் அவர் கலந்து கொள்ளவில்லை அதில். இதனால் ஆத்திரமுற்ற சிலர் வடிவேலுவை கண்ட நேரத்தில் போனில் அழைத்து செந்தூர தமிழை காதில் பாய்ச்சியிருக்கிறார்கள். 

இதையெல்லாம் வாங்கியும் வாங்காமலும், அதே நேரத்தில் 'இதை எப்படீடா டீல் பண்ணுறது' என்று வீங்கியும் வீங்காமலும் உடைந்து போனார் வடிவேலு. 

ஒரே வழி ஓப்பன் பேட்டிதான் என்று முடிவெடுத்த வைகைப்புயல், மெல்ல தனது வாயை திறந்து அளித்த பேட்டி நல்ல மாற்றத்தை ஏற்படுத்தியிருக்கிறது இன்டஸ்ட்ரியில். என்ன சொல்லியிருக்கிறார் அவர்? 

இந்த நிகழ்ச்சிக்கு எனக்கு அழைப்பு வந்ததுண்ணே. ஆனால் இது யார் மூலமா வந்தது. உண்மையிலே நமக்குதான் வந்துருக்கானு குழப்பமா இருந்தது. 

அதோட நாம போனால் அங்க என்ன மாதிரியான சூழல் இருக்கும். உட்கார இடமிருக்குமான்னு பல மனப் போராட்டதுக்கு ஆளானேன். தயக்கமாவும் குழப்பமாவும் இருந்தது. முதலமைச்சரம்மா பெருந்தன்மையா நடந்துகிட்டாலும், கட்சிக்காரங்க கலாட்டா பண்ணிடுவாங்களோன்னு அந்த தயக்கத்தாலதான் நான் போகலண்ணே என்று கூறியிருக்கிறார். 

எலிய புழங்கவிட்டா எச்சம்தான் மிச்சம்னு இன்னும் விரட்டுவாங்களோ, நாலு கரப்பான் பூச்சி செத்துப் போவும் விடுன்னு ஒதுங்குறாங்களோ, சம்பந்தப்பட்ட அரசியல்வாதிகளுக்கே வெளிச்சம்.

2 ஆண்டுகளில் ஜெ. நிகழ்த்திய அறிய சாதனை...!

முதல்வர் ஜெயலலிதா ஆட்சிக்கு வந்து கடந்த 2 ஆண்டுகளில் சட்டப்பேரவையில் 110வது விதியின் கீழ் 100 முக்கிய அறிவிப்புகளை வெளியிட்டு சாதனை படைத்துள்ளார் இந்தத் தகவலை தமிழக சட்டசபையில் சபாநாயகர் ப.தனபால் பெருமிதத்துடன் நேற்று தெரிவித்தார். முதல்வர் விதி எண் 110ன் கீழ் அறிக்கை வாசிப்பதை திமுக கூட தொடர்ந்து கேலி செய்து வந்தது. ஆனால் அதில் புதிய சாதனையே படைத்து விட்டார் முதல்வர்.

தினந்தோறும் சட்டசபையில் பேரவை விதி 110-ன்கீழ் முதல்வர் ஜெயலலிதா முக்கிய அறிவிப்புகளை வெளியிட்டு வருகிறார்

நேற்று முதல்வர் ஜெயலலிதா இரண்டு அறிவிப்புகளை வெளியிட்டு பேசினார். அதைத் தொடர்ந்து, எதிர்க்கட்சி உறுப்பினர்கள் முதல்வர் ஜெயலலிதாவை வெகுவாக பாராட்டிப் பேசினார்கள்.

கடைசியாக சபாநாயகர் ப.தனபால் பாராட்டிப் பேசும்போது, ‘‘முதல்வர் ஜெயலலிதா கடந்த 2 ஆண்டுகளில் 100 முக்கிய அறிவிப்புகளை பேரவை விதி 110-ன்கீழ் வெளியிட்டு சாதனை படைத்துள்ளார் என்றார்.

அப்போது அ.தி.மு.க. உறுப்பினர்கள் மேஜையை பலமாக தட்டி தங்களது மகிழ்ச்சியை வெளிப்படுத்தினர். இந்த மகிழ்ச்சி ஆரவாரம் சில வினாடிகள் நீடித்தது.

முதல்வர் ஜெயலலிதா பேரவை விதி 110-ன்கீழ் சட்டசபையில் வாசித்த உரைகளின் இரண்டவாது தொகுப்பை ‘விதியை மாற்றிய விதி' என்ற தலைப்பில் செய்தி மக்கள் தொடர்புத்துறை வண்ண புத்தகமாக அச்சிட்டு அனைத்து எம்.எல்.ஏ.க்களுக்கும் நேற்று வழங்கியது.

தமிழக அரசின் 20 ரூபாய் அரிசி..! சில வெளிவராத தகவல்கள்

அரசு வழங்கும், கிலோ, 20 ரூபாய் அரிசியின் தரம், கேள்விக்குறியாக உள்ளதாக பரவலான கருத்து உள்ளது. உமியை நீக்கியவுடன், அரிசியின் ஆயுள் குறையத் துவங்கும். அடுத்து, தற்போதைய அரிசி தயாரிப்பு முறை, மிகவும் நவீனமாக மாறி விட்டது. 

தண்ணீர் விட்டு பாலிஷ் செய்யும், "சில்க்கி' பாலிஷ் முறை, 100 சதவீதம் ஆலைகளில் அமலுக்கு வந்துவிட்டது. சாதாரண தயாரிப்பில், அரிசியின் தரம் மூன்று மாதங்களுக்கு நீடிக்கும். ஆனால், "சில்க்கி' இயந்திரத்தில் தயாரிக்கப்பட்ட அரிசி, ஒரு மாதம் உபயோகப்படுத்தாமல் இருந்தாலே, புழு, வண்டு பிடித்துக் கெட்டுப் போகும்.

தமிழக அரசு, கிலோ, 20 ரூபாய் அரிசியை, வெளி மாநிலங்களில் இருந்து இறக்குமதி செய்து, பின் சிறு சிறு பொதிகளாக, "பேக்' செய்து கடைகளுக்கு அனுப்பி, வினியோகம் செய்து வருகிறது. இதற்கு ஏறக்குறைய ஒரு மாத காலம் ஆகும். 

உதாரணத்துக்கு, ராஜஸ்தான், ஒடிசா, மேற்கு வங்க மாநிலங்களில் இருந்து தமிழக அரசு, அரிசியை இறக்குமதி செய்கிறது என்று வைத்துக் கொள்வோம். அரிசி ஆலைகளில் தயாரித்து எத்தனை நாள் இருந்தது என்று, தமிழக அரசுக்கு எப்படித் தெரியும்? 

அங்கு, 10 நாள், ரயில் வேகனில், ஐந்து நாள், சிறு பொதிகளாக மாற்றும் குடோனுக்கு கொண்டு செல்ல சில நாள், அதை, "பேக்' செய்ய சில நாள், பின் அதை குறிப்பிட்ட கடைகளுக்கு கொண்டு செல்ல, சில நாள் என்று, அரிசியின் தரம் குறைந்து கொண்டு தானே போகும்! அதனால், 20 ரூபாய் அரிசி புழுத்துப் போவதாக, புகார் வரும் வாய்ப்பு உள்ளது.

இந்த அரிசி சப்ளையால், மோட்டா ரக அரிசி, சற்று தேக்கம் அடைந்து விட்டது உண்மை. இதனால் பாதிக்கப் போவது தமிழக விவசாயிகளே. அவர்கள் வைத்திருக்கும் நெல்லை வாங்க, ஆர்வமில்லை.தமிழக அரிசி ஆலை அதிபர்களிடம், தமிழக அரசே நேரடியாக அரிசி கொள்முதல் செய்ய வேண்டும். 

நுகர்பொருள் வாணிபக் கழகங்களில், நெல் விலையை, கிலோ, 14 ரூபாய் என்று உயர்த்த வேண்டும். மேற்கு வங்கம் போன்ற மாநிலங்களில் இருந்து, அரிசி கொண்டு வரவும், மேலும் பிற இடங்களுக்கு மாற்றவும், 75 கிலோ மூட்டை ஒன்றுக்கு, தாராளமாக, 200 ரூபாய் ஆகும். அதை பொதிகளாக மாற்ற, 50 ரூபாய் செலவு ஆகும். ஆக மொத்தம், 250 ரூபாய், அரிசி ஆலை உரிமையாளர் களுக்கு, அரசு தர வேண்டும். ஆலை உரிமையாளர்களுக்கு இதை அளித்து விட்டால், மிகத் தரமான அரிசி, 20 ரூபாய் விலைக்கு அளித்துவிட முடியும்; இது மோட்டா ரகத்துக்கு மட்டும் பொருந்தும். 

சன்ன ரகம் என்றால், வெ.பொன்னி தான். இதையும் குறைந்தபட்சம் மூன்று மாதமாவது, ஸ்டாக் வைத்தால் தான், உணவாகும் போது குழையாமல், தண்ணீர் விடாமல் இருக்கும். இந்த சன்ன ரகத்திற்கு குறைந்தபட்சம், கிலோ, 35 ரூபாய்க்கு குறைத்து வாங்கினால், அது தரமற்றதாகி, மக்கள் வெறுப்பை சம்பாதிக்க நேரிடும். 

தமிழக அரசு, அரிசி விற்பனையை இரண்டு விதமாக பிரிக்க வேண்டும். மோட்டா ரகம் இன்ன விலை; சன்ன ரகம் (பழசு) இன்ன விலை என்று கடை பிடிக்க வேண்டும்.ஒரு வட்டத்துக்கு, ஒரு அரிசி ஆலையை நியமித்து, அனைத்து ரேஷன் கடைகளுக்கும் வழங்கும்படி உத்தரவிட வேண்டும். 

போக்குவரத்து செலவுகளுக்காக ஆகும் தொகையை, "மானியமாக' நினைத்து அரிசி ஆலை உரிமையாளர்களுக்கு வழங்க வேண்டும். விவசாயிகள் வாழ்த்தவும், ஆலை உரிமையாளர்கள் புத்துயிர் பெறவும், மக்களுக்கு தரமான அரிசி கிடைக்கவும், இந்த அணுகுமுறை உதவலாம்.

(மெயில் 

கடிதம் : க.சோமு, கருங்குழி)

ஜெயலலிதா - பயங்கர காமெடி பயோ டேட்டா

பெயர் : ஜெயலலிதா

அடைமொழி : புரட்சி தலைவி (என்ன புரட்சி பணங்க அவங்களுகே தெரியாது )

சமிபத்திய அடைமொழி : பொன்னியின் செல்வி ( 18 விவசாயிகள் தற்கொலை செய்து கொண்டதை முன்னித்து அவர்கள் நியாபகம கொடுத்தது )

பலம் : எம். ஜி. ஆர். / இரட்டை இலை

பலவீனம் : பெங்களூர், சசிகலா

சாதனை : 2 மணி நேரம் இருந்த மின்வெட்டை 26 மணி நேரம் ஆகியது (ஓ.. நளைக்கு 24 மணி‌ே

வேதனை : தமிழ்நாட்டு மக்கள்

சசிகலா : நெருங்கிய நண்பர் ....வெளியிலும் சிறையிலும்

சசிகலா நடராஜன் : இவங்க எனக்கு தோழிதான் ஆனா அவங்க வீட்டுகாறு எனக்கு எதிரி

தினகரன் திவரகரன் : அனேகமாக அடுத்து உள்ளே வரபோகும் நபர்

நண்பர்கள் : சசிகலா அண்ட் கோ

எதிரிகள் : கலைஞர் கலைஞர் கலைஞர் மட்டுமே

ஈழம் : தேர்தல் வரை

டெல்லி : மணி அடித்த உடன் வெளி ஏறும் இடம் பழக்கதோசத்தில்

கட்சி : அதிமுக - ............ ................... முன்னேற்ற கழகம் (நீங்களே ஏதாவது போட்டுக்கங்க...)
 
அமைச்சர்கள் : கூன் விழுந்தவர்கள் மட்டும்.


Thalapathy Bharani (பேஸ்புக்கில்)

ஜெயா இரும்பு பெண்மணி, கருணாநிதி பயந்தாங்கோலி - விக்கிலீக்ஸ் தகவல்

விடுதலைப்புலிகளை தமிழக அரசியல் கட்சிகள் எவ்விதமாக கையாண்டன என்பது குறித்து விக்கிலீக்ஸ் தகவல்களை வெளியிட்டுள்ளது. அதில் திமுக தலைவர் கருணாநிதி மற்றும் அதிமுக பொது செயலாளர் ஜெயலலிதா குறித்து சில செய்திகள் இடம்பெற்றுள்ளன.

விக்கிலீக்ஸ் வெளியிட்டுள்ள செய்தியில், உலகம் முழுக்க ஒவ்வொரு நாட்டிலும் உள்ள அமெரிக்க தூதரகங்கள், அந்த நாட்டின் முக்கிய நிகழ்வுகளை தொகுத்து உடனுக்குடன் அமெரிக்காவுக்கு அனுப்பி வைப்பதை நடைமுறையாக கொண்டுள்ளன.

அந்த வரிசையில் தமிழ் நாட்டு அரசியல் கட்சிகளிடம் 1980, 1990களில் விடுதலைப்புலிகள் எத்தகைய செல்வாக்கு பெற்றிருந்தனர், இலங்கைக்கு இந்திய அமைதிப்படை சென்ற பிறகும், அதன் பிறகும் விடுதலை புலிகளுக்கு ஏற்பட்ட வீழ்ச்சி பற்றி சென்னையில் உள்ள அமெரிக்க தூதரகம் வாஷிங்டனுக்கு அனுப்பிய தகவல்களை தற்போது வெளியிடப்பட்டுள்ளது.

இதுதொடர்பாக சென்னையில் இருந்து 1990 ஆம் ஆண்டு ஏப்ரல் மாதமும், 2009 ஆம் ஆண்டு மார்ச் மாதமும் வாஷிங்டனுக்கு அனுப்பப்பட்ட தகவல்களை விக்கிலீக்ஸ் வெளியிட்டுள்ளது.

இந்த குறிப்பில் விடுதலைப்புலிகள் விவகாரத்தில், தமிழக அரசியல் கட்சி தலைவர்களான கருணாநிதியும், ஜெயலலிதாவும் எப்படி மாறுபட்ட விதத்தை கையாண்டார்கள் குறித்த தகவல்கள் தெரிவிக்கப்பட்டுள்ளன.

அதன்படி, விடுதலைப்புலிகள் விஷயத்தில் அதிமுக பொதுச் செயலாளர் ஜெயலலிதா குறித்து சென்னையில் உள்ள அமெரிக்க தூதர் ஆண்ட்ரூ டி சிம்கின், 2009 ஆம் ஆண்டு மார்ச் மாதம், அனுப்பிய செய்தியில் கூறியிருப்பதாவது, ‘ராஜீவ் காந்தி படுகொலை செய்யப்பட்ட பிறகு தமிழ்நாட்டில் முதல்வராக பொறுப்பு ஏற்ற ஜெயலலிதா, தமிழ்நாட்டில் விடுதலைப்புலிகளை முற்றிலுமாக ஒடுக்க உத்தரவிட்டார்.

இதை வைத்து பார்க்கும் போது ஜெயலலிதா இரும்பு பெண்மணியாக திகழ்வது தெரிகிறது. அவரது துணிச்சலான, உறுதியான நடவடிக்கைகளால்தான் தமிழ் நாட்டில் நீண்ட காலமாக இருந்த விடுதலைப்புலிகளின் ஆதிக்கம் முடிவுக்கு வந்தது' என அந்த தகவல் தொகுப்பில் கூறப்பட்டு இருந்ததாக விக்கிலீக்ஸ் இணையத்தளத்தில் கூறப்பட்டுள்ளது.

இதற்கு மாறாக திமுக தலைவர் கருணாநிதி குறித்து 1990 ஆம் ஆண்டு ஏப்ரல் மாதம் அனுப்பப்பட்ட குறிப்பில், விடுதலைப்புலிகள் மீதான பயம் காரணமாகவே, கருணாநிதி அந்த அமைப்பை ஆதரித்தார் என்ற சந்தேகம் உள்ளது என்று குறிப்பிடபட்டிருந்தது.

திரும்புகிறது 2001 மு.க. அழகிரியை வைத்து அதிமுக போடும் தேர்தல் கணக்கு!

ஈழத் தமிழர் பிரச்சனையில் மத்திய அரசில் இருந்தும் காங்கிரஸ் தலைமையிலான ஐக்கிய முற்போக்குக் கூட்டணியில் இருந்தும் திமுக விலகிய பின்னரும் திடீரென மு.க. அழகிரிக்கு போலீஸ் பாதுகாப்பை தொடருவதற்கு அதிமுக அரசு முடிவு எடுத்ததன் பின்னணியில் ஒரு தேர்தல் கணக்கு இருப்பதாக சொல்லப்படுகிறது.

மத்திய அமைச்சரவையிலிருந்து விலகுகிற திமுகவின் முடிவால் கடும் அதிருப்தி அடைந்து போனார் மு.க. அழகிரி. மற்ற திமுக அமைச்சர்களுடன் சேராமல் தனியே போய் ராஜினாமா கொடுத்தார். 

அத்துடன் ப.சிதம்பரம், ஜி.கே.வாசன் போன்றோரை தனியே சந்தித்தும் பேசி பரபரப்பை ஏற்படுத்தினார். அண்மையில் நடைபெற்ற திமுக செயற்குழுக் கூட்டத்தின் போது 'சென்னையில்' இருந்து மதுரைக்கு போய் முகாம் அடித்திருந்தார். 

இப்படி திமுகவில் கலகக் குரலாக தம்மை வெளிப்படுத்தி வருகிறார் மு.க. அழகிரி. இந்நிலையில்தான் மத்திய அமைச்சர் பதவியிலிருந்து விலகிய பின்பும் கூட அழகிரிக்கான போலீஸ் பாதுகாப்பை தொடர அதிமுக அரசு உத்தரவிட்டிருக்கிறது. 

அத்துடன் லோக்சபா தேர்தல் காலம் வரை அழகிரி முகாம் மீது எந்த வழக்கும் போட வேண்டாம் என்றும் அழகிரி தரப்பு வழக்குகளில் கடுமை காட்ட வேண்டும் என்றும் உத்தரவு போடப்பட்டிருக்கிறlது என்கிறார்கள். 

அதிமுக அரசுக்கு மு.க அழகிரி மீது அப்படி என்ன கரிசனை என்றால் 2001ம் ஆண்டு சட்டசபை தேர்தல் களேபரம் சுட்டிக்காட்டப்படுகிறது. அந்தத் தேர்தலில் திமுக தலைமையோடு மோதிக் கொண்டிருந்த அழகிரி தமக்கும் செல்வாக்கு இருக்கு என்பதைக் காண்பிப்பதற்காக திமுக தலைமை அறிவித்த வேட்பாளர்களுக்கு எதிரான போட்டி வேட்பாளர்களை நிறுத்தி கலகமூட்டினார். 

அவர் நினைத்தபடியே மறைந்த பி.டி.ஆர். பழனிவேல்ராஜன் உள்ளிட்ட சில மூத்த தலைவர்களும் தோற்றுப் போயினர். இதனால் எப்படியும் வரும் லோக்சபா தேர்தலிலும் திமுகவுக்கு அழகிரி ஆப்படிக்க வேண்டும் என்பதற்காகவே அவர் மீதான இறுக்கத்தை தளர்த்தியிருக்கிறதாம் அதிமுக அரசு. தலைமை மீதான கோபத்தில் லோக்சபா தேர்தலில் ஏதாவது கலாட்டா செய்வதன் மூலம் ரிசல்ட் தங்களுக்கு சாதகமாகிவிடும் என்பதுதான் அதிமுகவின் கணக்காக சொல்லப்படுகிறது.

பாராளுமன்ற தேர்தலில் திமுக - தேமுதிக கூட்டணி

பாராளுமன்ற தேர்தலையொட்டி, அரசியல் கட்சிகள் கூட்டணி அமைக்கும் வேலைகளில் பிஸியாகியுள்ளன. அதிமுக, திமுக ஆகிய இரண்டு முக்கிய கட்சிகளும் தங்களது கூட்டணியை பிரிந்து தனித்து நிற்கின்றன.

எந்த எந்த கட்சிகள் கூட்டணி அமைக்கும் என்று உறுதியாகவில்லை என்றாலும், சில கட்சிகளில் நடவடிக்கைகளைப் பார்த்தால் திமுக, தேமுதிக-வுடன் கூட்டணி அமைப்பதற்காக வாய்ப்புகள் அதிகமாகவே உள்ளது.

காங்கிரஸ் கூட்டணியில் இருந்து பிரிந்த திமுக, இனி காங்கிரசுடன் கூட்டணி இல்லை என்று அறிவித்துவிட்டது. அதேபோல தேமுதிக-அதிமுக கூட்டணி பிரிந்து விட்டதாலும், இவர்களும் இனி கூட்டண் அமைக்க வாய்ப்பில்லை. இந்த நிலையில் தேமுதிக-வுடன் கூட்டணி அமைத்தால் பாராளுமன்ற தேர்தலில் வெற்றி பெறலாம் என்று கருதும் திமுக, தேமுதிகாவை இழுக்க முயற்சித்து வருகிறது.

அதேபோல தேமுதிக-வை தங்கள் பக்கம் இழுக்க காங்கிரசும் முயற்சிக்கிறது. ஆனால், தமிழகத்தில் தற்போதுள்ள நிலையில் காங்கிரசுடன் இணைந்தால் நன்மை ஏதும் நடக்காது என்று கருதும் தேமுதிக மேலிடத்திற்கும் தற்போதுள்ள ஒரு வாய்ப்பு திமுக தான்.

அதற்கு ஏற்றாற் போல் சட்டசபையிலும் தே.மு .தி.க.வுக்கு ஆதரவாளரின் நிலைப்பாட்டையே தி.மு.க. கடை பிடிக்கிறது. நேற்று 6 எம்.எல்.ஏக்கள் ஓராண்டுக்கு நீக்கப்பட்டதும், தி.மு.க. உறுப்பினர்கள் வெளிநடப்பு செய்தனர். அதே போல் இரு கட்சிகளும் ஒன்றை ஒன்று விமர்சிப்பதை நிறுத்தி விட்டன. விஜயகாந்தும் தி.மு.க.வை அவ்வளவாக விமர்சிப்பதில்லை.

இந்த சூழ்நிலைகளை பார்க்கும் போது தி.மு.க.-தே.மு.தி.க. இடையே நெருக்கம் அதிகரிப்பதையே காட்டுகிறது. எனவே தி.மு.க.-தே.மு.தி.க. கூட்டணி அமைவதற்கான வாய்ப்புகள் அதிகம் இருப்பதாக இரு கட்சி வட்டாரத்திலும் பலமான பேச்சு அடிபடுகிறது. 

கருணாநிதிக்கு யாரும் நிகரில்லை : ஜெயலலிதா பரபரப்பு அறிக்கை

தன்னலத்தை மட்டுமே குறிக்கோளாகக் கொண்டு செயல்படுவதில் தனக்கு நிகர் யாருமில்லை என்பதை தி.மு.க. தலைவர் கருணாநிதி இன்றைய பத்திரிகையாளர் சந்திப்பின் மூலம் வெளிப்படுத்தியுள்ளார் என்று தமிழக முதல்வர் ஜெயலலிதா தெரிவித்துள்ளார். 

இன்று அவர் வெளியிட்டுள்ள அறிக்கையில், இன்று பத்திரிகையாளர்களை சந்தித்த தி.மு.க. தலைவர் கருணாநிதி, “அமெரிக்காவின் வரைவு தீர்மானத்தை பெருமளவிற்கு நீர்த்துப் போக விட்டதோடு, தி.மு.க. முன்மொழிந்த திருத்தங்கள் எவற்றையும் இந்திய அரசு சிறிதும் பரிசீலனையும் செய்யவில்லை. எனவே, ஈழத் தமிழருக்கு எந்த வகையிலும் பயன்படாத சூழ்நிலைகளே உருவாக்கப்பட்டுள்ள நிலையில், இதற்குப் பிறகும் இந்திய மத்திய ஆட்சியில் தி.மு.க. நீடிப்பது தமிழினத்திற்கே இழைக்கப்படும் பெரும் தீமை என்பதால் தி.மு.க. மத்திய அமைச்சரவையிலிருந்தும், ஐக்கிய முற்போக்கு கூட்டணியிலிருந்தும் உடனடியாக விலகிக் கொள்வதென முடிவு செய்யப்பட்டுள்ளது.” என்று தெரிவித்துள்ளது “கண் கெட்ட பிறகு சூரிய நமஸ்காரம்” என்ற பழமொழியைத்தான் நினைவுபடுத்துகிறது. 

2009 ஆம் ஆண்டு இலங்கையில் உச்சக்கட்டப் போர் நடந்தபோது, மத்தியிலும், மாநிலத்திலும் ஆட்சிப் பொறுப்பில் இருந்தவர் கருணாநிதி. அப்போது மத்திய அமைச்சரவையிலிருந்து விலகவோ, மத்திய அமைச்சரவைக்கு அளித்து வந்த ஆதரவை விலக்கிக் கொள்ளவோ இல்லை. 

இலங்கைத் தமிழர்களை ஈவுஇறக்கமின்றி இலங்கை அரசின் குண்டு மழையினால் கொன்று குவிக்கப்பட்டதற்கு கருணாநிதி தான் காரணம். இந்தச் சமயத்தில் மத்திய அமைச்சரவைக்கு அளித்திருந்த ஆதரவை விலக்கிக் கொண்டிருந்தால் இலங்கைத் தமிழர்கள் காப்பாற்றப்பட்டு இருப்பார்கள். இதை செய்யவில்லை. இது தமிழர்களுக்கு எதிரான மிகப் பெரிய துரோகம். 

கடந்த ஆண்டு ஐக்கிய நாடுகள் சபையின் மனித உரிமைக் குழுக் கூட்டத்தில் அமெரிக்காவின் சார்பில் கொண்டு வரப்பட்ட ஓரளவு வலுவான தீர்மானத்தை இந்திய அரசு வலுவிழக்கச் செய்த போதாவது கருணாநிதி அதனைக் கண்டித்து இருக்க வேண்டும். 

ஆனால், அமெரிக்கா கொண்டு வந்த தீர்மானத்தை வலுவிழக்கச் செய்ததே இந்தியா தான் என்று பட்டவர்த்தனமாக அனைவருக்கும் மத்திய அரசே பிரதமரின் கடிதத்தை வெளியிட்டு தெரியப்படுத்தியது. அப்போதும் கருணாநிதி அதைப் பற்றி வாய் திறக்கவில்லை. இது இலங்கைத் தமிழர்களுக்கு எதிரான கருணாநிதியின் துரோகம். ஒரு வேளை, அவ்வாறு அமெரிக்கா கொண்டு வந்த தீர்மானம் நீர்த்துப் போக செய்த சூழ்ச்சியில் கருணாநிதிக்கும் பங்கு உள்ளது. எனவே தான் அதைப் பற்றி அப்போது அவர் எதையும் சொல்லவில்லை என்று தான் நினைக்கத் தோன்றுகிறது. 

இவ்வாறு மத்திய அரசை எதிர்த்து வலிமையாக குரல் கொடுக்கக்கூடிய சந்தர்ப்பங்களை எல்லாம் நழுவவிட்டு, இலங்கைத் தமிழர்களுக்கு ஏற்பட்டுள்ள சொல்லொணாத் துயரங்களுக்கு எல்லாம் பொறுப்பை ஏற்றுக் கொள்ள வேண்டிய கருணாநிதி, தன்னுடைய பொறுப்பிலிருந்து நழுவும் வகையில், தமிழக மக்களை ஏமாற்றும் வகையில், ஐக்கிய முற்போக்கு கூட்டணியிலிருந்து விலகுவது என்ற அறிவிப்பை தற்போது வெளியிட்டுள்ளார். 

இது மட்டுமல்லாமல், இலங்கைக்கு எதிராக அமெரிக்கா கொண்டு வந்துள்ள தீர்மானம் தொடர்பாக இந்தியா அமைதி காத்து வருவது ஏமாற்றம் அளிப்பதாக உள்ளது என்றும், இப்பிரச்சனையில் இந்தியா வலுவான வரலாற்று சிறப்புமிக்க உறுதியான நிலைப்பாட்டை எடுக்க வேண்டும் என்றும், அந்தத் தீர்மானத்தை வலுவடையச் செய்ய என்னென்ன மாற்றங்கள் கொண்டு வர வேண்டும் என்றும் நான் விரிவான கடிதம் ஒன்றை பாரதப் பிரதமருக்கு நேற்று எழுதியுள்ள நிலையில், 18.3.2013 அன்று ஏ.கே. அந்தோணி, ப. சிதம்பரம், குலாம் நபி ஆசாத் ஆகியோர் சந்தித்ததும் கருணாநிதி அளித்த பேட்டியில், இலங்கை தமிழர்கள் மீது நடத்தப்பட்ட தாக்குதல்களை போர்க் குற்றங்கள் என்றும், இனப் படுகொலை என்றும் பிரகடனப்படுத்த வேண்டும் என்றும், இலங்கை தமிழர்களுக்கு எதிரான இனப் படுகொலைகள் குறித்து விசாரணை நடத்தப்பட வேண்டும் என்றும், இந்தத் திருத்தங்கள் அடங்கிய தீர்மானத்தை இந்திய நாடாளுமன்றத்திலும் உடனடியாக நிறைவேற்ற வேண்டும் என்றும் தான் வலியுறுத்தி கேட்டுக் கொண்டுள்ளதாக தெரிவித்துள்ளார். 

இலங்கைக்கு எதிராகவும், இலங்கை தமிழர்களுக்கு ஆதரவாகவும், வலுவான தீர்மானம் ஐக்கிய நாடுகள் சபையின் மனித உரிமைக் குழுக் கூட்டத்தில் நிறைவேற்றப்பட்டால் தான் இலங்கைக்கு எதிராக வலுவான நடவடிக்கை எடுக்க இயலும். 

ஆனால், கருணாநிதி, இந்திய நாடாளுமன்றத்தில் இதைப் போன்ற ஒரு தீர்மானம் நிறைவேற்றப்பட வேண்டும் என்று சொல்லியுள்ளார். அவரது இன்றைய (19.3.2013) பேட்டிக்குப் பின் பத்திரிகையாளர்கள் கேள்வி எழுப்பிய போது, 21.3.2013 வரை காலம் இருப்பதாகவும், அதற்குள் நாடாளுமன்றத்தில் தீர்மானம் நிறைவேற்றப்பட்டால் தி.மு.க. தனது முடிவை மறுபரிசீலனை செய்யும் என்றும் கூறியுள்ளார். இலங்கைக்கு எதிராக இந்திய நாடாளுமன்றத்தில் தீர்மானம் நிறைவேற்றுவது என்பது தற்போதைய சூழ்நிலையில் உறுதியான பயனளிக்கக் கூடியது அல்ல. மாறாக, ஐக்கிய நாடுகள் சபையின் மனித உரிமைக் குழுக் கூட்டத்தில் தான் தீர்மானங்களுக்கு திருத்தங்கள் கொண்டு வரப்பட வேண்டும். அதுவும் உடனடியாக கொண்டு வரப்பட வேண்டும். அவ்வாறு செய்யாமல், இந்திய அரசை காலம் கடக்க வைத்து, இலங்கைத் தமிழர்கள் முதுகில் குத்தும் நடவடிக்கையாகவே தி.மு.க. தலைவர் கருணாநிதியின் இந்த அறிவிப்பு அமைந்துள்ளது. 

தி.மு.க. தலைவர் கருணாநிதியின் இது போன்ற எண்ணற்ற நாடகங்களை மக்கள் கண்டு அலுத்துப் போயுள்ளனர். மீண்டும் கொண்டு வரப்பட்ட டெசோ அமைப்பிற்கு மக்களிடமும், மாணவர்களிடமும் எந்தவித ஆதரவும் இல்லாத நிலையில் தற்போது அரங்கேற்றியுள்ள நாடகத்தின் மூலம் தன் மீது ஏற்பட்டுள்ள நீங்காத பழியை குறைத்துக் கொள்ளலாம் என்ற தி.மு.க. தலைவர் கருணாநிதியின் எண்ணம் நிறைவேறாது. தி.மு.க. தலைவர் கருணாநிதியின் கபட நாடகங்களுக்கு தமிழக மக்கள் தகுந்த பாடம் புகட்டுவர் என்பது திண்ணம் என்று குறிப்பிட்டுள்ளார்.

டாஸ்மாக் கடைகளை மூடி தமிழ்நாட்டில் முழுமையான மதுவிலக்கு..! ஜெயலலிதா அதிரடி முடிவு?

தமிழ்நாட்டுக்கு அதிக வருவாயை அள்ளிக் கொடுக்கும் மதுபானக் கடைகளை அடியோடு இழுத்து மூடி முழுமையான மதுவிலக்கை அமல்படுத்த தமிழக முதல்வர் ஜெயலலிதா முடிவு செய்துள்ளதாக தகவல்கள் வெளியாகி உள்ளன.

நாடாளுமன்ற மக்களவைத் தேர்தலில் தமிழகத்தில் அனைத்து தொகுதிகளையும் கைப்பற்றி மத்திய அரசை தீர்மானிக்கக் கூடிய சக்தியாக உருவாக ஒரே வழி என்ன? என்று ஜெயலலிதா தமது ஆலோசகர்களிடம் விவாதித்திருக்கிறார். அப்போதுதான் தமிழ்நாட்டில் அனைத்து டாஸ்மாக் கடைகளையும் மூடி முழுமையான மதுவிலக்கை அமல்படுத்தினால் நிச்சயம் பெண்களின் வாக்குகள் அனைத்துமே அதிமுகவுக்கு கிடைக்கும் என்றும் முன்னுதாரணம் மிக்க அரசாக தமிழக அரசு திகழும் என்றும் கூறப்பட்டிருக்கிறது. இதனை முழு அளவில் ஜெயலலிதாவும் ஏற்றுக் கொண்டதாகக் கூறப்படுகிறது. நிச்சயமாக தமிழகத்தில் டாஸ்மாக் கடைகளை மூடி மதுவிலக்கை அமல்படுத்துவது என்ற முடிவில் ஜெயலலிதா உறுதியாக இருந்தாலும் டாஸ்மாக் அளவுக்கு வருவாய் தரக் கூடிய வழிகள் என்ன என்பதுதான் அவர் எழுப்பிய கேள்வி. இது தொடர்பாக ஆராய்ந்து அறிக்கை தரவும் மூத்த அதிகாரிகளுக்கு ஜெயலலிதா உத்தரவிட்டிருக்கிறார் என்றும் கூறப்படுகிறது.

இந்தியாவில் குஜராத் மாநிலத்தில் முழுமையான அளவில் மதுவிலக்கு நடைமுறையில் உள்ள போதும் லாபம் ஈட்டக் கூடிய பட்ஜெட்டை வேளாண்துறை மூலம் சாதித்து வருகிறது அம்மாநில அரசு. குஜராத் அரசு எப்படியான வழிகளில் வருவாயைப் பெருக்குகிறது என்று ஆராயவும் ஜெயலலிதா உத்தரவு பிறப்பித்திருக்கிறாராம்.

அனேகமாக ஆகஸ்ட் 15 சுதந்திர தினத்தன்றோ அல்லது அக்டோபர் 2-ந் தேதி காந்தி ஜெயந்தியன்றோ இதற்கான அதிரடி அறிவிப்பை தமிழக முதல்வர் வெளியிட வாய்ப்பிருப்பதாகக் கூறப்படுகிறது.

'சசிகலா ரிட்டர்ன்ஸ்'... பயங்கர பீதியில் 'உண்மையான' அதிமுகவினர்!

எது நடந்ததோ அது நன்றாகவே நடந்தது, எது நடக்கிறதோ அது நன்றாகவே நடக்கிறது, எது நடக்கப் போகிறதோ அதுவும் நன்றாகவே நடக்கும் என்று சசிகலா நீக்கப்பட்டபோது சித்தாந்தமாக பேசி சிலாகித்துப் போன அதிமுகவினர் இப்போது எது நடக்கக் கூடாதோ அது நடந்து விட்டதே என்று திகிலடித்துப் போய் நிற்கின்றனராம்.

காரணம், சசிகலாவின் மறு வருகை.. இவர்கள் இப்படித்தான் பேசுவார்கள், பின்னர் சேர்ந்து கொள்வார்கள், இது என்ன புதுசா என்றுதான் 4 மாதத்திற்கு முன்பு சசிகலா மற்றும் அவரது குடும்பத்தினரை கூண்டோடு அதிமுகவை விட்டும் போயஸ் கார்டன் வீட்டை விட்டும் ஜெயலலிதா தூக்கியபோது அனைவருமே நினைத்தார்கள். இருந்தாலும் ஜெயலலிதாவின் செயல்பாட்டு வேகத்தைப் பார்த்த அதிமுகவினரும், பொதுமக்களும், பரவாயில்லையே உண்மையிலேயே சசிகலாவை துரத்தி விட்டு விட்டாரே என்றுதான் நினைத்தனர்.

விரட்டிய வேகத்தில், சசிகலா குடும்பத்தினர் மீது சரமாரியாக வழக்குகள் பாயத் தொடங்கின. இதுவரை நடராஜன், திவாகரன், ராவணன் என மூன்று பேர் சிறைக் கம்பிகளுக்குள் சிறைப்பட்டுள்ளனர். அடுத்து மகாதேவன், தொடர்ந்து சசிகலா என பெயர் அடிபட்ட நேரத்தில்தான். அக்கா.. என்னை மன்னிச்சுடுக்கா என்று அறிக்கை வந்துள்ளது சசிகலாவிடம்...

சசிகலாவின் அறிக்கை தமிழகம் முழுவதும் அதிமுக மற்றும் அதிமுக சார்ந்த, அதிகார மட்ட, காவல்துறை அளவில் பெரும் அதிர்ச்சி அலைகளை ஏற்படுத்தியுள்ளது. இதற்குக் காரணம், இனி மீண்டும் சசிகலா அதிகாரவட்டம் தலை தூக்கும், நாமெல்லாம் மறுபடியும் கைகளை மாற்றிக் கட்ட வேண்டும் என்ற பதட்டமே.

சசிகலா நீக்கப்பட்டதால் அவர்களுக்கு ஆதரவான கட்சிக்காரர்களை மேலிடத்திற்குப் போட்டுக் கொடுத்த அதிமுகவினர் தற்போது அதிர்ச்சி அடைந்து போய் நிற்கின்றனராம். தாங்கள் சசிகலாவால் பழிவாங்கப்படலாம் என்ற பயம்தானாம் அது.

அதேபோல சசிகலா தரப்பினர் மீது நடவடிக்கை எடுத்து வரும் போலீஸாரும் கூட பெரும் குழப்பத்தில் ஆழ்ந்து போயுள்ளதாக தெரிகிறது. அதிகாரிகள் மட்டத்திலும், இனி என்ன செய்வது, எப்படி நடந்து கொள்வது, சசிகலா தலையீடு மறுபடியும் இருக்குமா என்ற குழப்பத்தில் உள்ளனராம்.

மீண்டும் சசிகலா அதிகாரவட்டம் தலை தூக்காது என்பதற்கு என்ன உத்தரவாதம், சசிகலாவின் பெயரைச் சொல்லி பலரும் ஆட்டம் போட ஆரம்பிப்பார்களே, அதை முதல்வர் ஜெயலலிதா எப்படித் தடுக்கப் போகிறார் என்ற கேள்விகள் அதிமுகவினர் மத்தியில் இல்லாமல் அரசு அதிகாரிகள் மத்தியிலும் நிலவுகிறது.

சசிகலாவின் மறு வருகையால், உண்மையான அதிமுகவினர்தான் பெரும் கலக்கத்தில் மூழ்கியுள்ளனர். கட்சி உருப்படும் என்ற நிலையை ஏற்படுத்தி விட்டு தற்போது மறுபடியும் கலங்கலாக்கி விட்டனரே என்ற வேதனையிலும், விரக்தியிலும் அவர்கள் இருப்பதாக தெரிகிறது. மேலும் சசிகலா நீக்கப்பட்டபோது அதற்கு கட்சியினர் மத்தியில் மட்டுமல்லாமல் அரசு ஊழியர்கள், பொதுமக்கள், காவல்துறையினர் என பல தரப்பிலும் பெரும் வரவேற்பு காணப்பட்டது. காரணம், சசிகலா குடும்பத்தினர் தமிழகத்தை சூறையாடி போட்ட ஆட்டம்தான். கருணாநிதி குடும்பத்தினரை மிஞ்சி விட்டனரே என்றுதான் அத்தனை பேரும் சசிகலா குடும்பத்தி்னர் மீது ஆத்திரத்தில் இருந்தனர்.

சசிகலா நீக்கத்தை வைத்து அதிமுகவிலிருந்து நீக்கப்பட்ட பல முக்கியப் புள்ளிகளும் மீண்டும் கட்சிக்குத் திரும்ப யோசித்து வருவதாகக் கூட செய்திகள் வெளியாகின. ஆனால் தற்போது அத்தனையும் தவிடுபொடியாகியுள்ளது. ஜெயலலிதா, சசிகலா சண்டை என்பது பொம்மை விளையாட்டு போல என்றாகி விட்டது. எனவே அதிமுகவின் தலைவிதியை மாற்ற முடியாது என்ற எண்ணத்தில் இந்த உண்மையான அதிமுகவினர் உள்ளனராம்.

சசிகலாவின் மறு வருகை அதிமுகவில் என்ன பாதிப்பை ஏற்படுத்தும் என்பதைப் போகப் போகத்தான் தெரிந்து கொள்ள முடியும்.

தமிழகத்தை வஞ்சிக்கும் மத்திய அரசு.. இதில் திமுக-வும் உடந்தையா..?

மத்திய அரசு, தமிழக முதல்வர் ஜெயலலிதாவின் கோரிக்கையை நிறைவேற்றாமல், தமிழக அரசிற்கு உரிய நிதியை ஒதுக்காமல், பாரபட்சம் காட்டுவதும், பாராமுகமாகவே இருப்பதும், வன்மையாக கண்டிக்கத்தக்கது. 

மாநில அரசிடமிருந்து வரும் வருவாய் மட்டும் பெற்றுக் கொண்டு, தக்க சமயத்தில் போதுமான நிதி தராமல், பல வகையில் இழுத்தடிப்பது சரியல்ல. காங்கிரஸ், தங்கள் கட்சி மற்றும் கூட்டணிக் கட்சிகள், ஆளும் மாநிலங்களுக்குத் தேவையான நிதியை அள்ளித் தருகிறது. ஆனால், மற்ற கட்சிகள் ஆளும் மாநிலங்களுக்கு, தேவையான நிதியை ஒதுக்காமல், பாரபட்சமாக செயல்படுகிறது. 

நேரடியாகவும், மறைமுகமாகவும் மாநில அரசிடமிருந்து, மத்திய அரசுக்கு வருவாய், பல வகை வரிகளின் மூலமாக கிடைக்கிறது. இதை வேண்டாம் என்று சொல்ல, மத்திய அரசு முன் வருமா? மத்தியில் ஆளும் காங்கிரஸ், மாற்றாந்தாய் மனப்பக்குவம் கொண்டிருப்பதால், தமிழகம் பாதிப்புக்குள்ளாகி உள்ளது. மத்தியில் நிதி அமைச்சராக உள்ள பிரணாப் முகர்ஜியோ, "காங்கிரஸ் மாற்றாந்தாய் மனப்பக்குவத்தோடு செயல்படவில்லை' என்று கூறி, முழுப் பூசணிக்காயை சோற்றில் மறைக்கிறார். 

அவர் கூறியதை, தமிழக மக்கள் நம்பத் தயாராக இல்லை. கடந்த அ.தி.மு.க., ஆட்சியில், வரலாறு காணாத வெள்ளம், வறட்சி போன்ற இயற்கை சீற்றங்களும், சுனாமி போன்ற பேரழிவுகளும் ஏற்பட்டன. ஆனால், அப்போது மத்தியில் ஆண்ட காங்கிரஸ் மற்றும் அதன் கூட்டணிக் கட்சிகள், தமிழகத்திற்கு உரிய நிதியைத் தராமல் வஞ்சித்து விட்டன. 

மேலும், வறட்சி மற்றும் வெள்ள நிவாரணக் குழு, தமிழகத்தைப் பார்வையிடவே வரவில்லை. தொடர்ந்து காலம் தாழ்த்திவிட்டு, "மங்களம்' பாடிவிட்டன. இதற்கு, தமிழகத்திலிருந்து தேர்ந்தெடுக்கப்பட்ட பார்லிமென்ட் உறுப்பினரும், நிதி அமைச்சரும் உடந்தை என்பது மிகவும் வேதனையான ஒன்று. 

மாநிலத்தில் ஆட்சியைப் பிடிக்க முடியவில்லை என்ற போதிலும், மத்தியில் ஒட்டிக்கொண்டு, அழையா விருந்தாளியாக இருந்து கொண்டு, மாநில அரசின் வளர்ச்சித் திட்டங்களுக்கு தடைக்கல்லாக இருப்பது, தமிழனே தமிழனுக்கு எதிரியாக இருப்பதாகவே தோன்றுகிறது. மத்தியிலும், மாநிலத்திலும் ஆட்சி ஏற்பட்டால், இணக்கமான சூழல் ஏற்படும். "தேனாறும், பாலாறும் ஓடும்' என்று வாய்ச்சவடால் பேசி, ஆட்சியை மக்களுக்கு விரோதமாகவே நடத்தியதை, மக்கள் மறக்கவில்லை. 

தமிழகத்தின் கடனை, லட்சம் கோடியாக உயர்த்திவிட்டதையும், கஜானாவை துடைத்து வைத்துவிட்டு, தங்களுடைய கஜானாவை நிரப்பிக்கொண்டதையும், யாரும் மறுக்கவோ, மறைக்கவோ முடியாது. மத்திய அரசு, கூட்டணிக் கட்சிகளைத் திருப்திப்படுத்த வேண்டும் என்ற ரீதியில் செயல்பட்டு, தமிழக அரசுக்கு நியாயமாகத் தர வேண்டிய நிதியைத் தராமல், வஞ்சம் செய்தால், வரும் லோக்சபா தேர்தலில், காங்கிரஸ் கட்சி கட்டாயம் காணாமல் போய்விடும் என்பது மட்டும் நிதர்சனம். 

மாற்றாந்தாய் மனப்பக்குவத்தை மாற்றிக்கொண்டு, கேட்பார் பேச்சைக் கேட்டு, கெட்டுப் போகாமல், தங்கள் மிச்சம் மீதி கவுரவத்தை, காங்கிரஸ் காப்பாற்றிக் கொள்ளுமா?

தமிழக மக்களின் காதுகளில் பூசுற்றுவதில் வல்லவர் யார்..? ஜெ-வா..? கலைஞரா..?

"பொதுத் துறை நிறுவனங்கள் போண்டியானதற்கு, தி.மு.க., ஆட்சிதான் காரணம் என பொய்யான காரணங்களை சொல்லி, தமிழக மக்களின் காதுகளில் அழகாக பூ சுற்றுகிறார் ஜெயலலிதா' என, கருணாநிதி தன்னிலை விளக்கம் அளித்திருக்கிறார். 

எந்த சந்தர்ப்பத்தில் எப்படி, யாருக்கு பூ சுற்றுவார் கருணாநிதி என்பது, தமிழக மக்களுக்கு நன்கு தெரியும். கம்யூனிஸ்ட்கள் மத்தியில் பேசும்போது, நான் ஒரு கம்யூனிஸ்ட் என்று சொல்லி, காம்ரேட்களின் காதுகளில் மிக அழகாக பூ சுற்றுவார். 

பிராமணர்கள் மத்தியில் பேசும்போது, "நான் பிராமணர்களை வெறுக்கவில்லை. ராஜாஜியை உண்மையிலேயே நேசிக்கிறேன். பிராமணீயத்தைத்தான் ஈ.வெ.ரா., வெறுத்தார். அவரின் பகுத்தறிவுப் பாசறையில் வளர்ந்த நான், அதைத்தான் வலியுறுத்த விரும்புகிறேன்' என்று அவர்களின் காதுகளில் (ஏற்கனவே அவர்கள் பூக்கள் சூடியிருந்தாலும்) தன் பங்குக்கு, கருணாநிதியும் பூ சுற்றுவார். 

தாழ்ந்த குடியினர் மத்தியில் உரையாடும் போது, "நானும் தாழ்ந்த குடியில் அவதரித்தவன். நான் ஒரு ஆண்டி' என்று, பாவம் அவர்களின் காதுகளில் அழகாக பூ சுற்றுவார். 

முஸ்லிம்களின் தோழராக தன்னை காட்டிக்கொள்ள, குல்லா அணிந்து ரம்ஜான் கஞ்சியை விரும்பி குடிப்பார். இயேசுநாதரிடம் இவர் கொண்டிருக்கும் பற்றும், நேசமும் உண்மையான கிறிஸ்தவர்களுக்கே இருக்குமா என்பது சந்தேகம் தான்!அண்ணாதுரை, எம்.ஜி.ஆர்., சொல்லாததையெல்லாம், தன்னிடம் அவர்கள் சொன்னதாக, அழகாக புனைந்துரைப்பார். 

ஜெயலலிதாவுக்கு இந்த கலையெல்லாம் சுத்தமாக தெரியாது. தமிழகத்தின் நிதி நிலையை வெட்ட வெளிச்சமாக்கி இருக்கிறார். யார் காதிலும் பூ சுற்றும் அவசியம் நிச்சயம் அவருக்கு கிடையாது. விஞ்ஞான ரீதியாக ஊழல் செய்யும் வித்தகரும் அவரல்ல. 

தன் மனதில் பட்டதை தைரியமாக பேசுவார். தமிழகத்தைக் காப்பாற்ற அவர் எடுத்திருக்கும் நடவடிக்கை கசப்பானது என்றாலும், தவிர்க்க முடியாதது என்பதை எதிர்காலம் நிச்சயம் உணர்த்தும். தமிழர்களின் காதுகளில், கருணாநிதி சுற்றியிருக்கும் பூக்களே நிறைந்திருக்கும் போது, ஜெயலலிதா புதிதாக பூக்களை எப்படி சுற்ற முடியும்?

ஜெ., கொடுத்திருக்கும் கசப்பு மருந்து..!

நம் தமிழக அரசு, பால் விலை மற்றும் பஸ் கட்டணத்தை கணிசமாக உயர்த்தியுள்ளது. மேலும், விரைவில் மின் கட்டணமும் அதிகரிக்கும் என்ற எச்சரிக்கையும் விடப்பட்டுள்ளது. இவை, உடனடியாக கசப்பை விளைவிக்கின்றன. இருப்பினும், கசப்பு மருந்து சில சமயங்களில் நன்மை பயக்கவே கையாளப்படுகிறது. அதுபோல், நாட்டின் பொருளாதாரத்தைக் காக்க, சில தவிர்க்க முடியாத நடவடிக்கை தேவைப்படுகிறது. 

மேலை நாடுகள், தங்கள் வரம்பை மீறிய வாழ்க்கை முறையை பின்பற்றி, இன்று பல இடையூறுகளை சந்தித்திருக்கின்றன. நாமும் அந்நிலைக்கு தள்ளப்பட வேண்டுமா?இன்று, நடுத்தர மக்களின் வாழ்க்கை நிலை ஓரளவுக்கு உயர்ந்துள்ளது. நடுத்தர மக்களின் சராசரி விகிதமும் அதிகரித்துள்ளது. அதனால், பல தேவையற்ற செலவுகளை செய்கின்றனர். 

உதாரணமாக, ஒரு சினிமா டிக்கெட் இன்று, 100 ரூபாய்க்கு குறைவில்லை. அதனால் தியேட்டர்களில் கூட்டம் குறைவாக உள்ளதா?விடுமுறை உல்லாச பயணம் அதிகரித்துள்ளது. பெட்ரோல் விலை உயர்ந்த போதிலும், 14 சதவீதம் வட்டி கொடுத்து, கார் வாங்குவோரின் எண்ணிக்கை குறையவில்லை. ஆகவே, யாவரும் சிக்கனத்தை கடைபிடிக்க வேண்டியது அவசியமாகிறது. 

கீழ்மட்ட மக்கள் பெரிதும் கஷ்டத்திற்கு உள்ளாவர் என்பது உண்மை. அரசு, இம்மாதிரி சில முடிவுகள் எடுக்கும் போது, இந்த கஷ்டத்தை தவிர்க்க முடியாது. அரசும் சில முக்கிய விதிகளை கடைபிடிக்க வேண்டும். வீண் செலவுகள் அறவே தவிர்க்கப்பட வேண்டும். 

உணவு பொருட்கள், தானியம், பால், இறைச்சிப் பொருட்களின் உற்பத்திக்கு கைகொடுக்க வேண்டும். ஆடம்பர பொருள் வரிச்சுமையை அதிகரிக்க வேண்டும். பொது போக்குவரத்து நடைமுறை முற்றிலும் சீர்படுத்தப்பட வேண்டும்.பொது வினியோகத் துறையில் அதிக கவனம் தேவை. வினியோகிக்கும் பொருள்கள், கீழ்மட்ட மக்களை சென்றடைகிறதா என்ற கண்காணிப்பை தீவிரமாகச் செயல்படுத்தவேண்டும். அவ்வாறு செய்யும் பட்ச்சத்தில் எதிர்கால பிரச்சனைகளில் இருந்து அரசும் மக்களும் காப்பாற்றப்படுவார்கள்.

ஆணவம் வேண்டாம் ஜெயலலிதா அவர்களே...

தமிழகம் திமுக-வின் ஆட்சியை தூக்கி எறிந்து விட்டு அந்த ஆட்சியை தற்ப்போது தங்களுக்கு கொடுத்துள்ளார்கள். அதற்க்கு அடுத்து உள்ளாட்சித்தேர்தலிலும் அதே வெற்றி மக்களால் தங்களுக்கு அளிப்பபட்டுள்ளது. இந்த வெற்றியால் தங்களின் கட்சிகாரர்களுக்கு கர்வம் தலைக்கேறாமல் பார்த்துக் கொள்ளுங்கள்..

உள்ளாட்சித் தேர்தலில் தங்கள் கட்சி அடைந்துள்ள, பிரமிப்பூட்டும், இமாலய வெற்றியைக் கண்டு, அ.தி.மு.க.,வினர், குறிப்பாக உள்ளாட்சி அமைப்புகளின் உறுப்பினராகத் தேர்ந்தெடுக்கப்பட்டவர்கள், பெருமிதமும், உவகையும் அடைவது இயற்கையே; புரிந்து கொள்ளக்கூடியதே. ஆனால், இந்த வெற்றிக்களிப்பு மமதையாக மாறிவிடக்கூடாது. 

 

ஏனெனில், சட்டசபைத்தேர்தல் மற்றும் உள்ளாட்சித் தேர்தலில், தி.மு.க.,வின் படுதோல்விக்கு, வேறு சில வலுவான காரணங்கள் உண்டு. மாநகராட்சி, நகராட்சி மற்றும் ஊராட்சி அமைப்புகளின், தி.மு.க., உறுப்பினர்கள் வசூல் வேட்டை, கட்டப் பஞ்சாயத்து என, ஆடிய ஆட்டமும் இத்தோல்விக்கு ஒரு காரணம் என்பதை மறுக்கவோ, மறக்கவோ முடியாது. 

 

சட்டசபைத்தேர்தலுக்கு முன், "சென்னையில் தி.மு.க., தோற்றால், அதற்கு கவுன்சிலர்களின் செயல்பாடுதான் காரணமாக இருக்கும்' என, கருணாநிதியே நொந்து போய்ச் சொன்னதை, நினைவில் கொள்ளவேண்டும். 

 

எனவே, இப்போது, அ.தி.மு.க.,வினரும் அதே பாணியில் செயல்பட்டால் ஆபத்து தான். ஆகவே, பொறுப்புணர்வும், கடமையுணர்வும் கொண்டு திறம்படப் பணியாற்றி மக்களைக் கவரவேண்டும்.

பிறந்த நாள் பரிசு வழக்கிலிருந்து முதல்வர் ஜெயலலிதா விடுவிப்பு.. நிலுவையிலுள்ள வழக்கு பட்டியல்..!

முதல்வர் ஜெயலலிதாவுக்குப் பிறந்த நாள் பரிசாக ரூ 2 கோடி காசோலைகள் வந்தது தொடர்பான வழக்கிலிருந்து அவரை விடுவித்து சென்னை உயர்நீதிமன்றம் உத்தரவிட்டுள்ளது.

கடந்த 1992ம் ஆண்டு ஜெயலலிதா தமிழக முதல்வராக இருந்த போது, அவரது பிறந்த நாளுக்குப் பரிசாக ரூ. 2 கோடி அளவிலான காசோலைகள் வந்தன. இதை அரசுக் கணக்கில்சேர்க்காமல்தனது கணக்கில் அவர் போட்டுக் கொண்டதாக குற்றம் சாட்டப்பட்டது. இந்த வழக்கில் ஜெயலலிதா தவிர, செங்கோட்டையன், அழகு திருநாவுக்கரசு ஆகியோரும் சேர்க்கப்பட்டனர்.

இந்த வழக்கை சிபிஐ நடத்தி வந்தது. இத்தனை காலமாக இழுத்துக் கொண்டிருந்த இந்த வழக்கில் குற்றப்பத்திரிக்கை பத்து ஆண்டுகள் கழித்து தாக்கல் செய்யப்பட்டது. இதை எதிர்த்து ஜெயலலிதா சார்பில் சென்னை உயர்நீதிமன்றத்தில் மனு செய்யப்பட்டது. இந்த மனுவை விசாரித்த நீதிபதி கே.என்.பாட்ஷா, சிபிஐ காலதாமதமாக குற்றப்பத்திரிக்கையை தாக்கல் செய்துள்ளது. இதற்கான காரணத்தை அது கூறவில்லை என்று கூறி இந்த வழக்கிலிருந்து ஜெயலலிதா, செங்கோட்டையன், அழகு திருநாவுக்கரசு ஆகியோரை விடுவித்து உத்தரவிட்டார்.

தற்போது அழகு திருநாவுக்கரசு திமுகவில் இருப்பது நினைவிருக்கலாம். இந்த வழக்கிலிருந்து விடுவிக்கப்பட்டுள்ளதைத் தொடர்ந்து ஜெயலலிதா மீதான வழக்குகளில் மேலும் ஒன்று குறைந்துள்ளது.

முதல்வர் ஜெயலலிதா மீது திமுக ஆட்சியில் தொடரப்பட்ட வழக்குகள்

1995ம் ஆண்டு ரூ. 8.5 கோடிக்கு 45,302 கலர் டிவி பெட்டிகளை வாங்கியதில் நடந்த ஊழல் தொடர்பான வழக்கு (விடுதலை), டான்சி நில வழக்கு (விடுதலை) , ரூ. 2 கோடி கிப்ட் காசோலை வழக்கு (விடுதலை), பிளசன்ட் ஸ்டே வழக்கு (தண்டனை-அப்பீல் நிலுவையில் உள்ளது), நிலக்குமதி இறக்குமதி ஊழல் (நிலுவை), திராட்சைத் தோட்ட வழக்கு (விடுதலை), சாப் விளையாட்டு விளம்பர ஊழல் (விடுதலை), சொத்துக் குவிப்பு வழக்கு (நிலுவை), கிரானைட் குவாரி ஊழல் (நிலுவை) , டிட்கோ முதலீட்டு விலக்கு ஊழல் (விடுதலை), வருமான வரி கணக்கு தாக்கல் செய்யாதது (நிலுவை).

அரசு கேபிளில் இன்று முதல் விஜய் டிவி, போகோ சேனல்: ஆனால், சன் டிவி இல்லை!

தமிழ்நாடு அரசு கேபிள் டிவி நிறுவனத்தில் இணைப்பு பெற்றுள்ள அனைவரும் இன்று முதல் விஜய் டிவி, போகோ உள்ளிட்ட கட்டணச் சேனல்களைக் காணலாம் என அறிவிக்கப்பட்டுள்ளது.

இது தொடர்பாக தமிழக அரசு வெளியிட்டுள்ள செய்திக் குறிப்பில்,

கேபிள் டிவி இணைப்பின் மூலம் தொலைக்காட்சி நிகழ்ச்சிகளை வழங்குவதில் ஏகபோக நிலை ஏற்படுத்தப்பட்டு அதன் மூலம் பொதுமக்களிடம் இருந்து அதிக அளவில் கட்டணம் வசூலிக்கப்படுகிறது என்பதைக் கருத்தில் கொண்டு தமிழக முதலமைச்சர் ஜெயலலிதா தலைமையிலான அரசு கேபிள் டிவி நிறுவனத்தின் நடவடிக்கைகளை புனரமைப்பதற்கான அனைத்து நடவடிக்கைகளையும் மேற்கொண்டது.

தமிழ்நாடு அரசு கேபிள் டிவி நிறுவனத்தின் மூலம் சென்னை நீங்கலாக ஏனைய 31 மாவட்டங்களிலும் நிறுவப்பட்டுள்ள ஒளிபரப்பு மையங்களை 24 மணி நேரமும் பராமரிக்கவும், ஒளிபரப்பு சேவையை தங்கு தடையின்றி மக்களுக்கு வழங்கவும் தமிழக அரசால் நடவடிக்கைகள் எடுக்கப்பட்டுள்ளன. தமிழ்நாடு அரசு கேபிள் டிவி ஒளிபரப்பின் மூலம் 90 சேனல்கள் ஒளிபரப்பிட நடவடிக்கை எடுக்கப்பட்டன.

தமிழ்நாடு அரசு கேபிள் டிவி நிறுவனத்தில் உறுப்பினர்களாக சேர்ந்துள்ள கேபிள் ஆப்பரேட்டர்கள் மூலம் தொலைக்காட்சி சேவையைப் பெறும் சந்தாதாரர்களிடம் இருந்து மாதம் 70 ரூபாய் மட்டுமே கேபிள் டிவி ஆப்பரேட்டர்களால் வசூலிக்கப்படுகிறது.

தமிழ்நாடு அரசு கேபிள் டிவி நிறுவனத்தின் இந்தச் சேவையை தமிழக முதலமைச்சர் ஜெயலலிதா 2.9.2011 அன்று தொடங்கி வைத்தார். முதலில் இலவச சேனல்களை மட்டும் ஒளிபரப்பும் தமிழ்நாடு அரசு கேபிள் டிவி நிறுவனம் பின்னர் கட்டணச் சேனல்களையும் ஒளிபரப்பு செய்யும் என்று அறிவிக்கப்பட்டது.

அதன் அடிப்படையில் இன்று முதல் விஜய் டிவி, ஜீ தமிழ், டிஸ்கவரி தமிழ், போகோ, கார்ட்டூன் நெட்வொர்க், அனிமல் பிளாநெட், நியோ கிரிக்கெட், சோனி மேக்ஸ், ஏஎக்ஸ்என், எச்பீஓ, நேஷனல் ஜியாகிரபிக், என்டிடிவி, சிஎன்என், டைம்ஸ் நவ், ஈஎஸ்பிஎன், ஸ்டார் ஸ்போர்ட்ஸ், ஸ்டார் கிரிக்கெட், டென் கிரிக்கெட், டென் ஸ்போர்ட்ஸ் உள்ளிட்ட பல்வேறு கட்டணச் சேனல்களும் எவ்விதக் கூடுதல் கட்டணமும் இன்றி ஒளிபரப்பப்படும்.

இதன் மூலம் தமிழ்நாடு அரசு கேபிள் டிவி நிறுவனத்தில் இணைந்துள்ள கேபிள் டிவி ஆப்பரேட்டர்கள் மூலம் இணைப்பு பெற்றுள்ள அனைவரும் இன்று முதல் மாதம் 70 ரூபாய் கட்டணத்திலேயே மேலே குறிப்பிடப்பட்ட கட்டணச் சேனல்களையும் கண்டுகளிக்கலாம் என்று கூறப்பட்டுள்ளது.

ஆனால், தமிழகத்தில் பெரும்பான்மையினர் பார்க்கும் சன் டிவி சேனல்கள் குறித்து அதில் எந்தத் தகவலும் இல்லை.

ராஜிவ் கொலையாளிகள்‌ தூக்கு தண்டனை: தலையிட முடியாது- சட்டசபையில் முதல்வர் ஜெ.,

ராஜி்வ் கொலையாளிகள் 3 பேரை, வரும் 9 ம் தேதி தூக்கில் போட ஏற்பாடுகள் துரித கதியாக நடந்து வருவதை அடுத்து தமிழகத்தில் பல்வேறு அரசியல் கட்சிகள் தூக்கை ரத்து செய்ய வேண்டும் என கோரி போராட்டத்தில் ஈடுபட்டு வருகின்றன.தமிழக முதல்வர் தனது சிறப்பு அதிகாரத்தை பயன்படுத்தி 3 பேரையும் காப்பாற்ற வேண்டும் என கோரிக்கை குரல் எழுந்தது. ஆனால் இந்த விஷயத்தில் தலையிட முதல்வருக்கு அதிகாரம் இல்லை என சட்டசபையில் முதல்வர் ஜெ., அறிவித்தார். 

ஜனாதிபதியின் கருணை மனு நிராகரிக்கப்பட்டதை அடுத்து ராஜிவ் கொலையாளிகள் பேரறிவாளன், முருகன், சாந்தன் ஆகிய 3 பேருக்கு தூக்கு தண்டனையை நிறைவேற்ற சிறை துறை அதிகாரிகள் நடவடிக்கை எடுத்து வருகின்றனர். இந்நிலையில் முதல்வர் ஜெ., சட்டசபையில் இது தொடர்பான விஷயத்திற்கு விளக்கம் அளித்து இவர்களை காப்பாற்றும் அதிகாரம் தமக்கு இல்லை , இதில் தான் தலையிட முடியாது. என முற்றுப்புள்ளி வைத்தார். 

தற்கொலை செய்ய வேண்டாம் முதல்வர் ஜெ., : 

இது தொடர்பாக சபையில் அவர் பேசியதாவது: ராஜிவ் கொலையாளிகளுக்கான கருணை மனு நிராகரிக்கப்பட்டதை அடுத்து இதில் நான் தலையிட முடியாது. 3 பேரும் மீண்டும் ஜனாதிபதியை அணுக வேண்டும். தூக்கு தண்டனையை நிறைவேற்ற கூடாது எனவலியுறுத்தி தீக்குளித்து தற்கொலை செய்த செங்கொடி சம்பவம் வருத்தமளிக்கிறது. யாரும் தற்கொலை முடிவுக்கு செல்ல வேண்டாம்.